കുട്ടികളോട് എന്നും നൂറുകൂട്ടം നിർദേശങ്ങളായിരിക്കും രക്ഷിതാക്കൾക്ക്. എന്നാൽ അടുക്കും ചിട്ടയും അനുസരണശീലവുമെല്ലാം അവരെ പഠിപ്പിക്കുംമുമ്പ് ഒരു കാര്യം ചിന്തിക്കണം. ഇതെല്ലാം തങ്ങൾക്കുമുണ്ടോ? ഇക്കാര്യത്തിൽ ചിലത് ശ്രദ്ധിക്കാം.

To advertise here,
  • പുസ്തകങ്ങൾ അടുക്കിവെക്കാനും വിരിച്ചിട്ട തുണികൾ മടക്കിവെക്കാനും കുട്ടികളോട് പറയുംമുമ്പ് അതൊക്കെ എങ്ങനെ ചെയ്യണമെന്ന് കൂടി അവർക്ക് കാണിച്ചു കൊടുക്കണം.
  • രക്ഷിതാക്കൾ ചെയ്യുന്നതെല്ലാം അതുപോലെ അനുകരിക്കുന്നവരാണ് കുട്ടികൾ. അടുക്കിന്റെയും ചിട്ടയുടെയും കാര്യത്തിലായാലും അങ്ങനെതന്നെ.
  • നാം എല്ലാ കാര്യങ്ങളും നന്നായി ചെയ്യുമ്പോൾ കുട്ടികളും അത് പിൻതുടരും. മറിച്ചാണെങ്കിൽ അവരും അതൊന്നും ചെയ്യണമെന്നില്ല.
  • കുട്ടികളെ പരിശീലിപ്പിക്കുന്നതുപോലെ ആവരുത് അവർക്കുമുന്നിൽ എന്തെങ്കിലും ചെയ്തുകാണിക്കുന്നത്. കളി തമാശപോലെ രസകരമായി അവതരിപ്പിക്കാം.
  • പഠിക്കാനുള്ള സമയത്ത് പഠിക്കണമെന്നും ടീവി കാണുന്ന നേരത്ത് ഭക്ഷണം കഴിക്കരുതെന്നും അവരെ ഉപദേശിക്കുമ്പോൾ അതെല്ലാം നിങ്ങളും പാലിച്ചിരിക്കണം.
  • കുട്ടികൾ എന്തെങ്കിലും ചെയ്താൽ അത് മോശമായാൽകൂടി അവരെ അഭിനന്ദിക്കുക. 'അയ്യേ ഇങ്ങനെയാണോ ചെയ്തത്' എന്ന കളിയാക്കലുകൾ തുടക്കത്തിലേ അവരുടെ ആത്മവിശ്വാസം കെടുത്തും. പതിയെ പതിയെ എല്ലാ കാര്യങ്ങളും അവർ നന്നായി ചെയ്‌തോളും. അതിന് നാം മാതൃകയാകണമെന്നു മാത്രം.