ബ്ലാത്തൂർ : ഉളിക്കൽ-കണിയാർവയൽ റോഡിൽ വഴിയോരങ്ങൾ കാടുമൂടി. വിദ്യാർഥികളടക്കം നിരവധിപേർ നടന്നുപോകുന്ന വഴിയാണിത്. ജൽജീവൻ മിഷൻ പദ്ധതിയുടെ ഭാഗമായി എത്തിച്ച പൈപ്പുകൾ റോഡരികിൽ കൂട്ടിയിട്ടിരിക്കുകയാണ്. ഭാഗികമായി പണികൾ നടക്കുന്നെങ്കിലും ബാക്കിയുള്ള സ്ഥലങ്ങൾ കാടായി മാറിയിരിക്കുന്നത്. പൈപ്പുകൾക്കിടയിലും പരിസരത്തും പുല്ലും കാടും വളർന്നതോടെ പ്രദേശം കാടുപിടിച്ച നിലയിലായി. പൈപ്പുകൾക്കിടയിലും കാടിനുള്ളിലും ഇഴജന്തുക്കൾ തമ്പടിക്കാനുള്ള സാധ്യതയുണ്ടെന്നും ഇത് വിദ്യാർഥികൾക്കും കാൽനടയാത്രക്കാർക്കും ഭീഷണിയാണെന്നും നാട്ടുകാർ പറയുന്നു. രാവിലെയും വൈകിട്ടും കുട്ടികൾ നടന്നുപോകുന്ന സമയത്ത് കാടിനുള്ളിൽ നിന്ന് ഇഴജന്തുക്കൾ പുറത്തുവരാനുള്ള സാധ്യത രക്ഷിതാക്കളിലും ആശങ്കയുണ്ടാക്കുന്നുണ്ട്. വഴിയോരത്തെ കാടുകൾ വെട്ടിത്തെളിക്കാതെയും പൈപ്പുകൾ പൂർണമായും മാറ്റാതെയും തുടരുന്ന സാഹചര്യം അധികൃതരുടെ ശ്രദ്ധയിൽപ്പെടുത്തേണ്ടതുണ്ടെന്നും നാട്ടുകാർ ചൂണ്ടിക്കാട്ടുന്നു. പദ്ധതിയുടെ ഭാഗമായെത്തിച്ച പൈപ്പുകൾ എത്രയും വേഗം ആവശ്യമായ സ്ഥലങ്ങളിൽ സ്ഥാപിക്കുകയോ സുരക്ഷിതമായി മാറ്റിവയ്ക്കുകയോ ചെയ്യണം. അതിനേക്കാൾ പ്രാധാന്യത്തോടെ വഴിയോരത്തെ കാടുകൾ വെട്ടിത്തെളിച്ച് വിദ്യാർഥികൾക്കും മറ്റു കാൽനടയാത്രക്കാർക്കും സുരക്ഷിതമായ യാത്രാസൗകര്യം ഉറപ്പാക്കണമെന്നാണ് നാട്ടുകാരുടെ ആവശ്യം.
Published: 22 Nov 2026, 04:06 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented