സ്പുട്‌നിക് V കോവിഡ് വാക്‌സിന്‍ മൂന്നാം ഘട്ട പരീക്ഷണങ്ങള്‍ വിജയം


ഡോ. രാജീവ് ജയദേവന്‍

കേരളത്തില്‍ ഇപ്പോള്‍ വിതരണം ചെയ്യുന്ന അസ്ട്രഓക്‌സ്‌ഫോര്‍ഡിന്റെ ഇന്ത്യന്‍ നിര്‍മിത 'കോവിഷീല്‍ഡ്' വാക്‌സിനുമായി സമാനതകളുള്ളതാണ് റഷ്യയുടെ സ്പുട്‌നിക് വാക്‌സിന്‍

Representative Image | Photo: Gettyimages.in

ഷ്യൻ വാക്സിൻ സ്പുട്നിക് V ന്റെ മൂന്നാംഘട്ട ക്ലിനിക്കൽ ട്രയലിന്റെ ഇടക്കാല റിപ്പോർട്ട് ലാൻസറ്റ് ജേണലിൽ ഫെബ്രുവരി രണ്ടിന് പ്രസിദ്ധീകരിച്ചിരിക്കുകയാണ്.

3:1 റാൻഡമൈസേഷൻ പ്രക്രിയയിലൂടെ 14,964 പേർക്ക് വാക്സിൻ നൽകി. താരതമ്യം ചെയ്യാനായി 4902 പേർക്ക് (പ്ലാസിബോ) നൽകി.

തുടർന്ന് കോവിഡ് രോഗമുണ്ടായോ എന്ന് രണ്ടു മാസത്തോളം ഇരു ഗ്രൂപ്പുകളെയും നിരീക്ഷിച്ചു. ട്രയലിൽ പങ്കെടുത്തവർ സ്വയം റിപ്പോർട്ട് ചെയ്ത രോഗലക്ഷണങ്ങൾ പരിശോധിച്ച് പി.സി.ആർ. ടെസ്റ്റുകൾ നടത്തിയാണ് രോഗമുണ്ടോ എന്ന് ഗവേഷകർ കണ്ടെത്തിയത്.

പ്രാധാന കണ്ടെത്തലുകൾ

വാക്സിൻ സ്വീകരിച്ച 14,964 പേരിൽ 16 പേർക്ക് (0.1 ശതമാനം) കോവിഡ് 19 സ്ഥിരീകരിച്ചു.

പ്ലാസിബോ ഗ്രൂപ്പിൽ 4902 പേരിൽ 62 പേർക്കും(1.3 ശതമാനം) കോവിഡ് സ്ഥിതീകരിച്ചു.

ഒന്നര മാസം നീണ്ടുനിന്ന ഗവേഷണത്തിൽ വ്യക്തമായത് ഈ കാലയളവിൽ രോഗം വരാതെ തടുക്കുന്നതിൽ ഈ വാക്സിന് 91.6 ശതമാനം ഫലപ്രാപ്തി ഉണ്ടെന്നാണ്.

(ദീർഘകാല പഠനം നടന്നാൽ മാത്രമേ ഏതൊരു വാക്സിനും ദീർഘകാല ഫലപ്രാപ്തി എത്രത്തോളം ഉണ്ടെന്ന് കണ്ടെത്താനാകൂ)

മറ്റു കണ്ടെത്തലുകൾ

നിരീക്ഷണകാലത്ത് വാക്സിൻ നൽകിയ ഗ്രൂപ്പിലെ ആർക്കും ഗുരുതരമായ കോവിഡ് രോഗം ഉണ്ടായില്ല. എന്നാൽ പ്ലാസിബോ ഗ്രൂപ്പിലെ 20 പേർക്ക് ഉണ്ടായി.

ഇതിനർഥം, ഗുരുതരമായ രോഗങ്ങളെ നൂറുശതമാനവും ഈ കാലയളവിൽ പ്രതിരോധിക്കാൻ വാക്സിന് സാധിച്ചുവെന്നാണ്. മുൻനിരയിലുള്ള എല്ലാ വാക്സിനുകളും ഗുരുതര രോഗത്തിന്റ കാര്യത്തിൽ സമാനമായ പരിരക്ഷ നൽകുന്നു.

ഈ വാക്സിൻ സ്വീകരിച്ച 1.7 ശതമാനം പേരിൽ ഇമ്മ്യൂൺ റെസ്പോൺസ് ഉണ്ടായില്ലെന്നും പഠനത്തിൽ കണ്ടെത്തലുണ്ട്.

പ്രായമായവരിലും ഈ വാക്സിൻ ഫലപ്രദമായിരുന്നു എന്നത് ഏറെ ആശ്വാസകരമാണ്.

ആദ്യ ഡോസ് വാക്സിൻ സ്വീകരിച്ച് 15 ദിവസങ്ങൾക്ക് ശേഷമാണ് വാക്സിനെടുത്തവരിൽ പ്രതിരോധം രൂപപ്പെട്ടു തുടങ്ങിയത്. അതിനാൽ ഈ പതിനഞ്ച് ദിവസങ്ങൾക്ക് മുൻപ് കോവിഡ് വരാനുള്ള സാധ്യത ഇരു ഗ്രൂപ്പിലെ ആളുകൾക്കും തുല്യമായിരുന്നു.

സ്പുട്നിക് വാക്സിൻ ഒരു ഡോസ് എടുത്ത് 15 ദിവസങ്ങൾക്ക് ശേഷം 73 ശതമാനം കാര്യക്ഷമത ലഭിച്ചു. സമാനമായ രീതിയിൽ ചിട്ടപ്പെടുത്തിയിട്ടുള്ള അസ്ട്രാ ഓക്സ്ഫോർഡ് വാക്സിനും ഇതേ പരിരക്ഷ നൽകുന്നു. ആസ്ട്ര ഓസ്ഫോർഡ് വാക്സിൻ ഒരു ഡോസ് എടുത്ത് 22 ദിവസത്തിനകം 76 ശതമാനം പരിരക്ഷ ലഭിക്കുന്നതായി കണ്ടെത്തിയിട്ടുണ്ട്. (ഈ രണ്ടു വാക്സിനും രണ്ടു ഡോസ് വീതം എടുക്കേണ്ടവയാണ്)

ലാൻസറ്റ് ജേണലിൽ തന്നെ ഫെബ്രുവരി ഒന്നിനു പ്രസിദ്ധീകരിച്ച മറ്റൊരു പഠനത്തിൽ പറയുന്നത് ഒരു മാസത്തിനു പകരം രണ്ടു മാസം വ്യത്യാസത്തിൽ രണ്ട് ഡോസ് വാക്സിൻ നൽകിയപ്പോൾ കോവിഡ് തടയുന്നതിൽ അസ്ട്രാ ഓക്സ്ഫോർഡ് വാക്സിന് 82.4 ശതമാനം കാര്യക്ഷമതയുണ്ടെന്നാണ്.

കേരളത്തിൽ ഇപ്പോൾ വിതരണം ചെയ്യുന്ന അസ്ട്ര ഓക്സ്ഫോർഡിന്റെ ഇന്ത്യൻ നിർമിത 'കോവിഷീൽഡ്' വാക്സിനുമായി സമാനതകളുള്ളതാണ് റഷ്യയുടെ സ്പുട്നിക് വാക്സിൻ. അതിനാൽ കാര്യക്ഷമതയുടെ കാര്യത്തിൽ ഇതൊരു ശുഭസൂചനയാണ്.

Content Highlights:Success of the third phase of the Sputnik V Covid vaccine trials, Health, Covid Vaccine


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


xi jinping

2 min

ചൈനയില്‍ അട്ടിമറിയോ? 9000-ലേറെ വിമാനങ്ങള്‍ റദ്ദാക്കിയെന്ന് അഭ്യൂഹം; ഹൈസ്പീഡ് ട്രെയിനുകള്‍ നിര്‍ത്തി?

Sep 25, 2022

Most Commented