സ്ക്രീനിൽ നല്ല ഭക്ഷണത്തിന്റെ വീഡിയോ കാണുമ്പോൾ അതൊന്ന് രുചിക്കാൻ കഴിഞ്ഞിരുന്നെങ്കിലെന്ന് നിങ്ങൾ ആഗ്രഹിച്ചിട്ടുണ്ടോ? ഓൺലൈൻ വഴി ഭക്ഷണം വാങ്ങുന്ന സമയം രുചിനോക്കിയിട്ട് വാങ്ങാൻ കഴിഞ്ഞിരുന്നെങ്കിലെന്ന് ആലോചിച്ചിട്ടുണ്ടോ? എന്നാൽ, അക്കാലം വിദൂരമല്ല. 

To advertise here,

ഭക്ഷണ-പാനീയങ്ങളുടെ രുചികൾ പുനർനിർമിക്കാനും ഞൊടിയിടയിൽ അത് വിദൂര സ്ഥലങ്ങളിലേക്ക് എത്തിക്കാനും കഴിയുന്ന ഉപകരണമായ 'ഇ-ടേസ്റ്റി'ന് രൂപം നൽകിയിരിക്കുകയാണ് ശാസ്ത്രജ്ഞർ. ഉപ്പ്, മധുരം, കയ്പ്പ്, പുളി, പിന്നെ ഉമാമി എന്നറിയപ്പെടുന്ന പ്രത്യേകതരം രുചി എന്നിവയെ തിരിച്ചറിയാനും പുനർനിർമിക്കാനും കഴിയുന്ന ഉപകരണമാണ് ഇ-ടേസ്റ്റ്. 

അഞ്ച് പ്രത്യേകതരം പദാർഥങ്ങളുപയോഗിച്ചാണ് ഉപകരണം നമ്മുടെ നാവിൽ രുചിയെത്തിക്കുന്നത്. ഓൺലൈൻ ഷോപ്പിങ്, വീഡിയോ ഗെയിമുകൾ, ഭാരം നിയന്ത്രിക്കൽ മുതൽ ആരോഗ്യരംഗത്തുവരെ ഉപയോഗിക്കാൻ കഴിയുന്ന ഉപകരണമാണ് ഇ-ടേസ്റ്റ്. മറ്റ് രുചികളെയെല്ലാം മനസ്സിലാക്കാൻ കഴിയുമെങ്കിലും എരിവിനെ കീഴടക്കാൻ ഇതിനിതുവരെ കഴിഞ്ഞിട്ടില്ല. സയൻസ് അഡ്വാൻസസ് എന്ന ജേണലിൽ പഠനം പ്രസിദ്ധീകരിച്ചിട്ടുണ്ട്.