ഇറ്റാലിയന്‍ രസതന്ത്രജ്ഞനും ബിസിനസുകാരനുമായ ഫ്രാന്‍സെസ്‌കോ റിവെല്ല അന്തരിച്ചു. 97 വയസ്സായിരുന്നു. ഫെബ്രുവരി 14-നാണ് അന്ത്യമെന്ന് ഫോക്‌സ് ന്യൂസ് റിപ്പോര്‍ട്ട് ചെയ്തു. ഹെയ്‌സല്‍ നട്ട് കൊക്കോ സ്‌പെഡ്ഡായ ന്യൂട്ടെല്ലയുടെ രസക്കൂട്ട് കണ്ടെത്തിയത് ഫ്രാന്‍സെസ്‌കോ റിവെല്ലയായിരുന്നു. 1927 -ല്‍ ഇറ്റലിയിലെ ബര്‍ബരെസ്‌കോയിലാണ് അദ്ദേഹം ജനിച്ചത്.
ന്യൂട്ടെല്ല കണ്ടുപിടിക്കുന്നതിന് മുമ്പ് ചോക്ലേറ്റ് ബ്രാന്‍ഡ് ആയ ഫെരേരോ മേധാവിയുടെ മകന്‍ മിക്കേലെ ഫെരേരോക്കുവേണ്ടിയാണ് ഫ്രാന്‍സെസ്‌കോ റിവെല്ല ജോലിചെയ്തിരുന്നത്. അന്ന് ഇറ്റലിയില്‍ ബ്രോമാറ്റോളജിക്കല്‍ കെമിസ്ട്രിയില്‍ ബിരുദ വിദ്യാര്‍ഥിയായിരുന്നു 25-കാരനായ ഫ്രാന്‍സെസ്‌കോ.
പിന്നീട് ഫെരാരോയുടെ സീനിയര്‍ മാനേജരായ അദ്ദേഹം ന്യൂട്ടെല്ലയുടെ ആദ്യ പതിപ്പിന് രൂപംനല്‍കി. ജിയാന്‍ഡുജോത് എന്ന പേരിലറിയപ്പെട്ട ഉത്പന്നം വര്‍ഷങ്ങള്‍ക്ക് ശേഷം 1951-ല്‍ സൂപ്പര്‍സ്‌ക്രിമ എന്ന പേരിലറിപ്പെടാന്‍ തുടങ്ങി. 1964-ല്‍ റെസിപ്പി കുറേക്കൂടി മെച്ചപ്പെടുത്തി, 1965-ല്‍ ജര്‍മനിയിലാണ് ന്യൂട്ടെല്ല പുറത്തിറങ്ങിയത്.
ലോകമൊട്ടാകെയുള്ള കോടിക്കണക്കിന് ആളുകള്‍ക്കിടയില്‍ സ്വാധീനംചെലുത്തിയ ഫ്രാന്‍സെസ്‌കോയെ അനുസ്മരിച്ചുകൊണ്ട് നിരവധിപേരാണ് സോഷ്യല്‍മീഡിയയില്‍ കുറിപ്പുകള്‍ പങ്കുവെച്ചിരിക്കുന്നത്. ആല്‍ബയില്‍വെച്ച് തിങ്കളാഴ്ച അദ്ദേഹത്തിന്റെ മരണാനന്തര ചടങ്ങുകള്‍ നടന്നു.
Content Highlights: Nutella Inventor Francesco Rivella Passes Away
Published: 18 Feb 2025, 07:50 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented