പെരുമ്പാവൂർ : നഗരഹൃദയത്തിൽ ഏറ്റവും തിരക്കേറിയ ഭാഗത്ത് ആലുവ-മൂന്നാർ റോഡരികിലുള്ള യാത്രിനിവാസ് ബസ് ഷെൽട്ടറിലെ ശൗചാലയം മാസങ്ങളായി അടഞ്ഞുകിടക്കുന്നു. ബസ് കാത്തുനിൽക്കുന്നവർക്ക് പ്രാഥമികാവശ്യങ്ങൾക്കുപോലും ഇടമില്ല.
ശൗചാലയം പൂട്ടിയതോടെ ചിലർ ശൗചാലയത്തിലേക്കുള്ള വഴിയിലും വ്യാപാര സമുച്ചയത്തിന്റെ മൂലകളിലും മൂത്രമൊഴിക്കുന്നതും മറ്റും പരിസരം വൃത്തിഹീനമാകുന്നതിനും ദുർഗന്ധം വമിക്കുന്നതിനും കാരണമാകുന്നു.
മുൻപ് ദീർഘദൂര യാത്രക്കാർക്കായി വിശ്രമമുറികളും ശൗചാലയങ്ങളും ഇവിടെ ഉണ്ടായിരുന്നു. പിന്നീട് പല കാരണങ്ങൾ പറഞ്ഞ് പൂട്ടി. വെള്ളമില്ലാത്തതായിരുന്നു അന്നത്തെ മുഖ്യപ്രശ്നം. പിന്നീട് തുറന്നെങ്കിലും ഇപ്പോൾ വീണ്ടും മാസങ്ങളായി പൂട്ടിയിട്ടിരിക്കുകയാണ്. കരാറുകാരൻ അറ്റകുറ്റപ്പണികൾ തീർക്കാത്തതാണ് കാരണമെന്നാണ് നഗരസഭാ അധികൃതരുടെ വിശദീകരണം.
ഉദ്യോഗസ്ഥരും കരാറുകാരും പരസ്പരം പഴിചാരുമ്പോൾ ദുരിതത്തിലാകുന്നത് സാധാരണ ജനങ്ങളാണ്. യാത്രക്കാർക്കും നഗരത്തിലെത്തുന്നവർക്കും ആശ്രയമായ കംഫർട്ട് സ്റ്റേഷൻ എത്രയും വേഗം തുറന്ന് ഉപയോഗക്ഷമമാക്കണമെന്നാണ് യാത്രക്കാരുടെയും വ്യാപാരികളുടെയും ആവശ്യം.
Published: 20 Nov 2026, 02:38 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented