കൊച്ചി : ആഞ്ഞടിച്ച ജനകീയ പ്രക്ഷോഭത്തിനുമുന്നിൽ കേന്ദ്രസർക്കാർ ആടിയുലയുകയാണെന്നും സർക്കാരിന്റെ കൗണ്ട്ഡൗൺ തുടങ്ങിയെന്നും സി.എം.പി. ജനറൽ സെക്രട്ടറി മന്ത്രി സി.പി. ജോൺ പറഞ്ഞു. പരീക്ഷാക്രമക്കേടുകൾക്കെതിരേയും തിരഞ്ഞെടുപ്പു കമ്മിഷന്റെ രാജി ആവശ്യപ്പെട്ടും നടന്ന പ്രക്ഷോഭങ്ങൾ യുവതലമുറ ബി.ജെ.പി.യെ കൈയൊഴിയുന്നുവെന്നതാണ് തെളിയിക്കുന്നതെന്നും അദ്ദേഹം പറഞ്ഞു. കേരള നിർമാണത്തൊഴിലാളി യൂണിയൻ (എച്ച്.എം.എസ്.) സംസ്ഥാന രജതജൂബിലി സമ്മേളനം കലൂർ ജവാഹർലാൽ നെഹ്റു അന്താരാഷ്ട്ര സ്റ്റേഡിയത്തിൽ ഉദ്ഘാടനം ചെയ്യുകയായിരുന്നു അദ്ദേഹം.
യൂണിയൻ സംസ്ഥാന പ്രസിഡന്റ് കൃഷ്ണൻ കോട്ടുമല അധ്യക്ഷനായി.
മുൻ എം.എൽ.എ. പി.കെ. ശശി, എച്ച്.എം.എസ്. സംസ്ഥാന ജനറൽ സെക്രട്ടറി ടോമി മാത്യു, വി.കെ. രവീന്ദ്രൻ, അഡ്വ. ബി.എസ്. സ്വാതികുമാർ, സി.എം.പി. എറണാകുളം ജില്ലാ സെക്രട്ടറി പി. രാജേഷ്, കെ.കെ. ചന്ദ്രൻ, പി. കലാധരൻ, എ. നിസാർ, എം.ആർ. മനോജ്, സുധീഷ് കടന്നപ്പള്ളി, വാസു കാരയിൽ, കാഞ്ചന മേച്ചേരി, കെ.എ. കുര്യൻ, കെ.എസ്.വൈ.എഫ്. സംസ്ഥാന സെക്രട്ടറി ജിംസാ വർഗീസ് അബ്രഹാം, പ്രസിഡന്റ് ഷാനിഫ്, കെ.പി. കൃഷ്ണൻകുട്ടി, അഡ്വ. സഞ്ജീവ്കുമാർ, സുജികുമാർ, സുധീർ തമ്മനം എന്നിവർ പ്രസംഗിച്ചു. സംസ്ഥാന പ്രസിഡന്റായി കൃഷ്ണൻ കോട്ടുമലയെയും ജനറൽ സെക്രട്ടറിയായി മന്ത്രി സി.പി. ജോണിനെയും തിരഞ്ഞെടുത്തു. മറ്റു ഭാരവാഹികൾ: പി.കെ. ശശി (സെക്ര.), കെ.കെ. ചന്ദ്രൻ (വർക്കിങ് പ്രസി.), അഡ്വ. ബി.എസ്. സ്വാതികുമാർ (ട്രഷ.).
Published: 23 Nov 2026, 01:14 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented