മുംബൈ: മഹാരാഷ്ട്രയുടെ അടുത്ത മുഖ്യമന്ത്രി ബി.ജെ.പിയില്‍നിന്നായിരിക്കുമെന്ന് എന്‍.സി.പി. അധ്യക്ഷന്‍ അജിത് പവാര്‍. രണ്ട് ഉപമുഖ്യമന്ത്രിസ്ഥാനങ്ങള്‍ മഹായുതിയിലെ സഖ്യകക്ഷികള്‍ക്ക് ലഭിക്കുമെന്നും അദ്ദേഹം പറഞ്ഞു.
മഹായുതി നേതാക്കള്‍ ഡല്‍ഹിയില്‍ നടത്തിയ യോഗത്തിലാണ് ഇക്കാര്യങ്ങള്‍ തീരുമാനിച്ചതെന്നും അജിത് കൂട്ടിച്ചേര്‍ത്തു.
ബി.ജെ.പിക്ക് പുറമേ അജിത്തിന്റെ എന്‍.സി.പിയും ഏക്‌നാഥ് ഷിന്ദെയുടെ ശിവസേനയുമാണ് മഹായുതിയിലെ സഖ്യകക്ഷികള്‍. 288 അംഗ മഹാരാഷ്ട്ര നിയമസഭയില്‍, 132 സീറ്റുകളില്‍ വിജയിച്ച ബി.ജെ.പിയാണ് ഏറ്റവും വലിയ ഒറ്റക്കക്ഷി. ശിവസേന 57 സീറ്റുകളിലും എന്‍.സി.പി. 41 സീറ്റുകളിലും വിജയം നേടി.
അതേസമയം, സര്‍ക്കാര്‍ രൂപവത്കരണം വൈകുന്നതിനെക്കുറിച്ചുള്ള ചോദ്യങ്ങള്‍ക്ക്, കാലതാമസം ഇത് ആദ്യമായിട്ടല്ലെന്നായിരുന്നു അജിത് പവാറിന്റെ മറുപടി. 1999-ല്‍ സര്‍ക്കാര്‍ രൂപവത്കരണത്തിന് ഒരുമാസം വേണ്ടിവന്നെന്നും അദ്ദേഹം പറഞ്ഞു.
Content Highlights: maharashtra chief minister will be from bjp says ajit pawar
Published: 30 Nov 2024, 10:17 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented