കോഴിക്കോട്: സർവീസ് സമയം സംബന്ധിച്ച തർക്കത്തെ തുടർന്ന് രണ്ട് സ്വകാര്യ ബസ്സുകളുടെ ചില്ലുകൾ അടിച്ച് പൊട്ടിച്ചതായി പരാതി. മാവൂർ-കോഴിക്കോട് റൂട്ടിലും മുക്കം-കോഴിക്കോട് റൂട്ടിലും ഓടുന്ന ഉത്രാടം ഗ്രൂപ്പിന്റെ സ്വരരാഗം, മഞ്ജു എന്നീ ബസ്സുകളുടെ ചില്ലാണ് ബൈക്കിലെത്തിയ രണ്ടുപേർ അടിച്ചുപൊട്ടിച്ചത്. ശനിയാഴ്ച്ച പുലർച്ചെ ഒന്നരക്കും രണ്ടേമുക്കാലിനും ഇടയ്ക്കാണ് സംഭവം.
രണ്ടുദിവസം മുമ്പ്, സമയം സംബന്ധിച്ച് മറ്റൊരു ബസ്സിലെ ജീവനക്കാരുമായി തർക്കം ഉണ്ടായിരുന്നു. തുടർന്ന് ബസ് പാളയത്ത് നിർത്തിയിട്ട സമയത്ത് മുക്കം ഭാഗത്തെ കുറെ ബസ്സുകളുടെ നടത്തിപ്പുകരനായ ബഷീർ എന്നയാൾ എത്തി സ്വരരാഗം ബസിന്റെ താക്കോൽ ഊരിക്കൊണ്ടുപോയിരുന്നു. തുടർന്ന് പോലീസിൽ പരാതി നൽകുകയും 7000 രൂപ ഇയാളിൽനിന്ന് ഈടാക്കിയിരുന്നു. ഇതിന്റെ വൈാരാഗ്യമാണ് ശനിയാഴ്ച്ചത്തെ അക്രമത്തിന് കാരണമെന്നാണ് ആരോപണം.
സർവീസ് കഴിഞ്ഞ് മുക്കം നഗരത്തിലും പെരുമണ്ണയിലും നിർത്തിയിട്ടിരിക്കുന്ന ബസ്സുകളാണ് അക്രമത്തിന് ഇരയായത്. സംഭവത്തിൽ പോലീസിൽ പരാതി നൽകിയിട്ടുണ്ട്.
Published: 21 Nov 2026, 11:54 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented