ന്യൂഡല്‍ഹി: ഡല്‍ഹിയില്‍ ഹോളി ആഘോഷത്തിനിടെ ജാപ്പനീസ് യുവതിയെ ആക്രമിച്ച സംഭവത്തില്‍ പ്രായപൂര്‍ത്തിയാകാത്ത ഒരാള്‍ ഉള്‍പ്പടെ മൂന്നു പേര്‍ പിടിയില്‍. യുവതിയുടെ വിവരങ്ങള്‍ ലഭ്യമാകാന്‍ ജപ്പാന്‍ എംബസിയെ സമീപിച്ചുവെന്നും എന്നാല്‍ സംഭവത്തെ കുറിച്ചറിഞ്ഞില്ലെന്നും പരാതികളൊന്നും ലഭിച്ചിട്ടില്ല എന്നാണ് അവര്‍ അറിയിച്ചതെന്നും പോലീസ് പറയുന്നു.
യുവതി ബംഗ്ലാദേശിലേക്കു പോയതായാണ് പോലീസിനു ലഭിച്ച വിവരം. യുവതി പരാതികളൊന്നും നല്‍കിയില്ലെന്നും പോലീസ് പറയുന്നു. അതേസമയം പിടിയിലായ മൂന്നു പേരും കുറ്റം സമ്മതിച്ചിട്ടുണ്ട്.
കഴിഞ്ഞ ദിവസമാണ് ഡല്‍ഹിയില്‍ ഹോളി ആഘോഷത്തിനിടെ ജപ്പാനില്‍നിന്നുള്ള യുവതിയെ ഒരുസംഘം അക്രമികള്‍ കടന്നുപിടിക്കുകയും ഉപദ്രവിക്കുകയും ചെയ്യുന്നതിന്റെ വീഡിയോ പുറത്തുവന്നത്.
ഒരു സംഘം അക്രമികള്‍ യുവതിയെ കടന്നുപിടിച്ച് നിറങ്ങള്‍ വാരിപ്പൂശുന്നതും തലയിലേക്ക് മുട്ടയെറിയുന്നതും ദൃശ്യങ്ങളില്‍ വ്യക്തമാണ്. രക്ഷപ്പെടാന്‍ ശ്രമിക്കുന്നതിനിടയില്‍ തന്നെ കടന്നു പിടിക്കുന്ന വ്യക്തിയെ യുവതി അടിക്കുന്നതും ദൃശ്യങ്ങളില്‍ കാണാം.
സംഭവത്തില്‍ ഡല്‍ഹി വനിതാ കമ്മീഷന്‍ ഇടപെട്ടിരുന്നു.
Content Highlights: japanese woman, harassed, holi, celebration, delhi, 3 including minor arrested
Published: 11 Mar 2023, 09:40 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented