അടൂർ: വയോധികയെ ലൈംഗികമായി പീഡിപ്പിക്കുകയും മർദിച്ച് ഭീഷണിപ്പെടുത്തുകയുംചെയ്തെന്ന പരാതിയിൽ ഒളിവിലായിരുന്ന 61-കാരനെ അടൂർ പോലീസ് അറസ്റ്റുചെയ്തു. ആലപ്പുഴ ചുനക്കര കോമല്ലൂർ പുളിമൂട്ടിൽ ഷോജിൻ വില്ലയിൽ ജി. ഷാജിയെയാണ് അറസ്റ്റുചെയ്തത്. ജൂലായ് എട്ടിനാണ് സംഭവം. അടൂർ ഭാഗത്തുള്ള സർവീസ് സഹകരണബാങ്കിലേക്ക് പോകുകയായിരുന്ന 77-കാരിയെ ഓട്ടോറിക്ഷയിലെത്തിയ ഷാജി തടഞ്ഞുനിർത്തി എവിടേക്കാണ് പോകുന്നതെന്ന് അന്വേഷിച്ചു. ഹോംനഴ്സായി ജോലി ചെയ്യുന്നുണ്ടെന്ന് പറഞ്ഞതോടെ കണ്ടാൽ തന്റെ അമ്മയെപ്പോലെയുണ്ടെന്നും വീട്ടിൽ ഹോംനഴ്സിനെ ആവശ്യമുണ്ടെന്നും ഇയാൾ വയോധികയോട് പറഞ്ഞു. തുടർന്ന് ഓട്ടോറിക്ഷയിൽ കയറ്റി ചുനക്കരയിലെ വീട്ടിലെത്തിച്ചെന്നും അവിടെവെച്ച് ലൈംഗികമായി പീഡിപ്പിച്ചെന്നുമാണ് മൊഴി.
പിന്നീട് നൂറനാട് ഭാഗത്ത് കൊണ്ടുവിട്ടതായും പരാതിയിൽ പറയുന്നു. അടുത്ത ദിവസം ഷാജി വീണ്ടും ഫോണിൽ വിളിച്ച് വയോധികയോട് നൂറനാട് ഭാഗത്തേക്ക് എത്താൻ ആവശ്യപ്പെട്ടു. അവിടെയെത്തിയപ്പോൾ പണയംവെക്കാൻ സ്വർണം ആവശ്യപ്പെട്ടു. വയോധിക വിസമ്മതിച്ചതോടെ മർദിക്കുകയും ഭീഷണിപ്പെടുത്തുകയും ചെയ്തെന്നാണ് പരാതി. തുടർന്ന് വയോധികയുടെ സ്കൂട്ടർ പഴയ ഇരുചക്രവാഹനങ്ങൾ വിൽക്കുന്ന കടയിൽ പണയംവെക്കുകയാണെന്ന് തെറ്റിദ്ധരിപ്പിച്ച് 30,000 രൂപ കൈക്കലാക്കിയെന്നും പരാതിയിൽ പറയുന്നു.
Content Highlights: A 61-year-old man named G. Shaji was arrested by Adoor police., The accused lured a 77-year-old woman under the pretext of a home nurse job., He sexually assaulted the victim at his house in Chunakkara., He also stole Rs 30,000 by pawning her scooter after threatening her.
Published: 21 Nov 2026, 11:40 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented