പ്രീമിയം എസ്യുവി സൊറന്റോയുടെ ഇന്ത്യയിലേക്കുള്ള വരവ് ഔദ്യോഗികമായി പ്രഖ്യാപിച്ച് കിയ. മിഡ്-സൈസ് പ്രീമിയം ഹൈബ്രിഡ് SUV-യാണിത്. ഫോക്‌സ്‌വാഗൺ ടെയ്‌റോൺ, ഹോണ്ട ZR-V തുടങ്ങിയ മോഡലുകൾക്ക് വിപണിയിൽ വെല്ലുവിളി ഉയർത്താനാണ് കിയ ഈ വാഹനം എത്തിക്കുന്നത്. വാഹനത്തിന്റെ ഔദ്യോഗിക ടീസർ ബ്രാൻഡ് പുറത്തിറക്കിയിട്ടുണ്ട്.

To advertise here,

ലോകത്തെ നിരവധി രാജ്യങ്ങളിൽ സോറന്റോ ഇതിനോടകം സാന്നിധ്യം അറിയിച്ചിട്ടുണ്ട്. ഫീച്ചർ-പാക്ക്ഡ് ഇന്റീരിയറിനും ശക്തമായ പവർട്രെയിൻ ഓപ്ഷനുകൾക്കും പേരുകേട്ട വാഹനമാണിത്. നാല് തലമുറകളായി 132 രാജ്യങ്ങളിലായി ഇതിന്റെ 48 ലക്ഷത്തിലധികം യൂണിറ്റുകൾ കിയ വിറ്റഴിച്ചിട്ടുണ്ട്.

2024-ലും 2025-ലും ലോകമെമ്പാടും ഏറ്റവും കൂടുതൽ വിറ്റഴിക്കപ്പെടുന്ന കിയയുടെ മൂന്ന് മോഡലുകളിൽ ഒന്നായിരുന്നു സൊറന്റോ. നിരവധി അംഗീകാരങ്ങൾ ഈ വാഹനത്തിന് ലഭിച്ചിട്ടുണ്ട്. സുരക്ഷ, ഗുണമേന്മ, ലോകമെമ്പാടുമുള്ള സാന്നിധ്യം എന്നിവ വാഹനത്തിന്റെ സ്വീകാര്യത വർധിപ്പിക്കുമെന്ന് കിയ വിലയിരുത്തുന്നു. ഔദ്യോഗിക ലോഞ്ചിന് മുന്നോടിയായി ഉപഭോക്താക്കൾക്ക് കിയ ഡീലർഷിപ്പ് വഴിയോ കിയ ഇന്ത്യ വെബ്‌സൈറ്റ് സന്ദർശിച്ചോ സോറന്റോ മുൻകൂട്ടി ബുക്ക് ചെയ്യാം.