അപകടങ്ങള് സംഭവിക്കുമ്പോള്മാത്രമാണ് അധികൃതര് പരിശോധന കര്ശനമാക്കുകയും നടപടി സ്വീകരിക്കുകയും ചെയ്യുന്നത്.

കോഴിക്കോട്: സമയക്രമം പാലിക്കാനെന്ന പേരില് ബസുകള് നടത്തുന്ന മത്സരപ്പാച്ചിലുകളും നിയമലംഘനങ്ങളും യാത്രക്കാരുടെ ജീവനുതന്നെ ഭീഷണിയാകുന്നു. മറ്റു ബസുകളെ മറികടക്കാനുള്ള ഈ പാച്ചില് പലപ്പോഴും അപകടങ്ങള്ക്കും വാക്തര്ക്കങ്ങള്ക്കും കാരണമാകുന്നു. റോഡ് നിയമങ്ങളൊന്നും അറിഞ്ഞിട്ടേയില്ലെന്ന മട്ടിലാണ് പല വാഹനങ്ങളുടെയും കുതിപ്പ്.
ആളുകളെ കയറ്റുന്നതിനുമുന്പേ ബസുകള് മുന്നോട്ടെടുക്കുന്നതും വാതിലുകള് അടയ്ക്കാതെ പോകുന്നതും പതിവുകാഴ്ചയാണ്. ഓട്ടമാറ്റിക് ഡോറായതിനാല് വാതില്പ്പടിയില് ആരും നില്ക്കരുതെന്ന് ബസുകാര്ക്ക് നിര്ദേശം നല്കിയിട്ടുണ്ടെങ്കിലും അതൊക്കെയും വെറുതേയാവുകയാണ്.
ഇതിനുപുറമേയാണ് സ്റ്റോപ്പില് നിര്ത്താതെ റോഡിനുനടുവില് നിര്ത്തി ബസുകള് യാത്രക്കാരെ കയറ്റുന്നതും ഇറക്കുന്നതും. ഇങ്ങനെയാകുമ്പോള് പിന്നാലെവരുന്ന വാഹനങ്ങള് യാത്രക്കാരെ ഇടിക്കാനും സാധ്യത കൂടുതലാണ്.
അപകടങ്ങള് സംഭവിക്കുമ്പോള്മാത്രമാണ് അധികൃതര് പരിശോധന കര്ശനമാക്കുകയും നടപടി സ്വീകരിക്കുകയും ചെയ്യുന്നത്. ആ നടപടികള്ക്ക് അല്പായുസ്സുമാത്രമാണുള്ളതെന്ന് ബസ് യാത്രക്കാരനായ ജിനില് പറഞ്ഞു.
ഇടതുവശം തിരിഞ്ഞുപോകേണ്ട (ഫ്രീ-ലെഫ്റ്റ്) വാഹനങ്ങള്ക്ക് കടന്നുപോകാന് കഴിയാത്ത വിധത്തില് ബസുകളും മറ്റു വാഹനങ്ങളും കയറ്റിനിര്ത്തുന്നതും സ്ഥിരംകാഴ്ചയാണ്. തൊണ്ടയാട് ജങ്ഷനുസമീപം ഫ്രീ ലെഫ്റ്റില് വാഹനങ്ങള് കയറ്റിനിര്ത്തിയതു കാരണം മെഡിക്കല് കോളേജിലേക്ക് കടന്നുപോകാന് കഴിയാതെ ആംബുലന്സ് കുരുക്കില്പ്പെട്ട സ്ഥിതിയുമുണ്ടായി. സീബ്രാലൈനില് വാഹനങ്ങള് നിര്ത്തിയിടുന്നതും പതിവാണ്. കഴിഞ്ഞമാസം പുതിയ സ്റ്റാന്ഡിന് എതിര്വശത്ത് സീബ്രാലൈനിലൂടെ റോഡ് മുറിച്ചുകടക്കവേയാണ് കാറിടിച്ച് വയോധികന് മരിച്ചത്.
Content Highlights: Private buses in Kozhikode, Kerala, flout traffic rules, endangering lives with reckless driving, speeding, and disregard for safety. Urgent action needed.
Published: 28 Oct 2025, 03:51 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented