ഔഡിയുടെ പെര്‍ഫോമെന്‍സ് കരുത്തന്‍; പുതിയ ആര്‍.എസ്. Q8 വരവിനൊരുങ്ങി
ലോകത്തിലെ തന്നെ ഏറ്റവും വേഗതയുള്ള എസ്‌യുവികളിലൊന്ന് എന്ന വിശേഷണവുമായി കഴിഞ്ഞ നവംബറിലാണ് ഈ വാഹനം ആഗോളതലത്തില്‍ അവതരിപ്പിച്ചത്. റെഗുലര്‍ Q8-നെക്കാള്‍ സ്‌പോര്‍ട്ടി ഭാവത്തിലും ഡിസൈനിലുമാണ് ഈ വാഹനമെത്തുന്നത്. ഇന്റഗ്രേറ്റഡ് ഡിഫ്യൂസറും ആര്‍എസ് സ്‌പോയിലറും ഈ വാഹനത്തിന്റെ സ്‌പോര്‍ട്ടി ഭാവത്തിന് മുതല്‍കൂട്ടാണ്.
പെര്‍ഫോമെന്‍സ് വാഹനത്തിന്റെ ഭാവങ്ങള്‍ അകത്തളത്തിലുമുണ്ട്. ലെതര്‍ സ്‌പോര്‍ട്ട് സീറ്റുകള്‍, ലെതര്‍ ആവരണമുള്ള ഫ്‌ലാറ്റ് ബോട്ടം സ്റ്റിയറിങ്ങ് വീല്‍, വെര്‍ച്വല്‍ കോക്പിറ്റ്, ഡിജിറ്റല്‍ ഡിസ്‌പ്ലേ എന്നിവ ഈ വാഹനത്തിലുണ്ട്. ഇതിനുപുറമെ, ഉപയോക്താക്കളുടെ ആവശ്യത്തിന് അനസരിച്ച് കസ്റ്റമൈസ് ചെയ്യാനുള്ള സംവിധാനവുമുണ്ട്.
ഔഡിയിലെ ഏറ്റവും കരുത്തനായ വാഹനമാണിതെന്നാണ് നിര്‍മാതാക്കളുടെ വാദം. 4.0 ലിറ്റര്‍ ട്വിന്‍ ടര്‍ബോചാര്‍ജ്ഡ് വി8 പെട്രോള്‍ എന്‍ജിനാണ് ഈ വാഹനത്തിന്റെ ഹൃദയം. ഈ എന്‍ജിന്‍ 600 ബിഎച്ച്പി പവറും 800 എന്‍എം ടോര്‍ക്കുമാണ് ഉത്പാദിപ്പിക്കുന്നത്. എട്ട് സ്പീഡ് ട്രിപ്പ്‌ട്രോണിക്കാണ് ഇതില്‍ ട്രാന്‍സ്മിഷന്‍ ഒരുക്കുന്നത്.
ഏഴ് ഡ്രൈവ് മോഡുകളിലാണ് Q8 വിദേശനിരത്തുകളില്‍ എത്തിച്ചിട്ടുള്ളത്. ഈ വാഹനത്തിന് 3.7 സെക്കന്റില്‍ പൂജ്യത്തില്‍ നിന്ന് 100 കിലോമീറ്റര്‍ വേഗത കൈവരിക്കാന്‍ സാധിക്കുമെന്നാണ് നിര്‍മാതാക്കള്‍ അവകാശപ്പെടുന്നത്. പെര്‍ഫോമെന്‍സ് വാഹനങ്ങളിലേക്ക് എത്തുന്ന ഈ കരുത്തന്‍ മോഡലിന് 1.5 കോടി രൂപയ്ക്ക് മുകളിലായിരിക്കും വിലയെന്നാണ് സൂചന.
Content Highlights: Audi Performance SUV RS Q8 Ready To Launch In India
Published: 10 Aug 2020, 11:59 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented