
മുല്ലശ്ശേരി: മണൽപ്പുഴ-കണ്ണോത്ത് സംയുക്ത കോൾപ്പടവിൽ ട്രാക്ടർ ഓടിച്ച് കൃഷിനിലം ഒരുക്കി കളക്ടർ അർജുൻ പാണ്ഡ്യൻ. നെൽകൃഷി അടുത്തറിയാനും കർഷകരുടെ പ്രയാസങ്ങൾ നേരിട്ടറിയാനുമാണ് കളക്ടർ എത്തിയത്. വെള്ളിയാഴ്ച അതിരാവിലെ പാടശേഖരത്തിലെത്തിയ കളക്ടർ കർഷകരുമായി സംവദിച്ചു. ശേഷം നിലം ഒരുക്കുന്ന ട്രാക്ടറുമായി കണ്ടത്തിലേക്കിറങ്ങി. യാതൊരു പ്രയാസം കൂടാതെയാണ് കർഷകനെപ്പോലെ അദ്ദേഹം അര മണിക്കൂറിലധികം ട്രാക്ടർ ഓടിച്ച് നിലം ഉഴുതുമറിച്ചത്. 336 ഏക്കർ വരുന്ന മണൽപ്പുഴ-കണ്ണോത്ത് സംയുക്ത കോൾപ്പടവിന്റെ ഒരു ഭാഗത്ത് നടീൽ ആരംഭിച്ചിരുന്നു. മറുഭാഗത്ത് കൃഷി ആരംഭിക്കാനുള്ള നിലമൊരുക്കത്തിലാണ് കളക്ടറും കൂടെ ചേർന്നത്.
ഡെപ്യൂട്ടി കളക്ടർ കെ.ജി.പ്രാൺസിങ്, മുല്ലശ്ശേരി കൃഷി അസി.ഡയറക്ടർ ബെറ്റ്സി മെറീനാ ജോൺ, കൃഷി ഓഫീസർ സി.ആർ. രാഗേഷ്, കർഷകരായ കെ.പി. മുഹമ്മദ്, കെ.പി.രാജേഷ്, എം.ജി. രജീഷ് എന്നിവരും കളക്ടർക്കൊപ്പമുണ്ടായി. ഇടിയഞ്ചിറ, ഏനാമാക്കൽ റെഗുലേറ്ററുകളുടെ നിർമാണം ഉടൻ പൂർത്തിയാക്കണമെന്നും കൃഷിഫാം റോഡിന്റെ അരികുകെട്ടി സംരക്ഷിക്കുന്നതിനും പാടശേഖരത്തിലേക്ക് വെർട്ടിക്കൽ പമ്പ് അനുവദിക്കണമെന്നുമാവശ്യപ്പെട്ട് കർഷകർ കളക്ടർക്ക് നിവേദനവും നൽകി.
Content Highlights: Collector Arjun Pandiyan drove a tractor and tilled fields, understanding farmers` challenges. Farmers lauded his initiative to prepare land for paddy cultivation.
Published: 18 Oct 2025, 12:40 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented