1928-ൽ രൂപകൽപ്പന ചെയ്ത വില്ലിംഗ്ടൺ വാട്ടർവർക്ക്സ് പദ്ധതി 1933-ൽ പ്രവർത്തനം ആരംഭിച്ചു. 1928 ഡിസംബർ 11-ന് വെള്ളയമ്പലത്ത് നടന്ന ചടങ്ങിൽ അന്നത്തെ ഇന്ത്യൻ വൈസ്രോയി വില്ലിംഗ്ടൺ പ്രഭുവാണ് പദ്ധതി ഉദ്ഘാടനം ചെയ്തത്. തിരുവിതാംകൂർ മഹാരാജാക്കന്മാരുടെ കാലത്താണ് ഈ പദ്ധതി ആവിഷ്കരിച്ചത്.

To advertise here,

തിരുവനന്തപുരം നഗരത്തിന്റെ ഹൃദയഭാഗത്തുകൂടി കടന്നുപോകുന്ന 114 മീറ്റർ നീളമുള്ള തുരങ്കത്തിന് നൂറിലേറെ വർഷത്തെ പഴക്കമുണ്ട്. അക്കാലത്തെ നിർമാണമേഖലയുടെ മികവും സാങ്കേതിക വൈദഗ്ധ്യവും വിളിച്ചോതുന്ന അതിഗംഭീരമായ നിർമിതി. ആധുനിക നിർമാണസാങ്കേതിക വിദ്യകളൊന്നും വികസിച്ചിട്ടില്ലാത്ത കാലത്ത്, പരിമിതമായ സൗകര്യങ്ങൾ ഉപയോഗിച്ച് ഇത്രയും വിസ്മയകരമായ നിർമിതി യാഥാർഥ്യമാക്കിയത് അന്നത്തെ എൻജിനീയറിങ് വൈഭവത്തിന്റെ തെളിവുകൂടിയാണ്. ചരിത്രത്തിന്റെ ശേഷിപ്പായി ഇന്നും നിലകൊള്ളുന്ന ഈ തുരങ്കം തിരുവനന്തപുരത്തിന്റെ പൈതൃകത്തിലെ കൗതുകകരമായ അധ്യായമാണ്.