ഇന്ത്യന്‍ സിനിമയ്ക്ക് വലിയ നേട്ടങ്ങള്‍ സമ്മാനിച്ചൊരു വര്‍ഷമായി മാറുകയാണ് 2025. ജനുവരി മുതലുള്ള ആദ്യ ആറുമാസത്തില്‍ മാത്രം 100 കോടി കളക്ഷന്‍ പിന്നിട്ടത് 17 ചിത്രങ്ങള്‍. ഇതില്‍ രണ്ടെണ്ണം മോഹന്‍ലാല്‍ ചിത്രങ്ങളാണ് എന്നത് മലയാള സിനിമയ്ക്കും അഭിമാനകരമായ നേട്ടമാണ്.
വിക്കി കൗശല്‍ നായകനായ 'ചാവ'യാണ് ഏറ്റവും കൂടുതല്‍ കളക്ഷന്‍ നേടിയ സിനിമ. 693 കോടി രൂപ. രണ്ടാം സ്ഥാനത്തുള്ളത് തെലുങ്ക് ചിത്രമായ 'സംക്രാന്തികി വാസ്തുനം'. കളക്ഷന്‍ 222 കോടി. മൂന്നും നാലും സ്ഥാനത്തുള്ള സിതാരെ സമീന്‍ പര്‍, ഹൗസ് ഫുള്‍ 5 എന്നീ ചിത്രങ്ങള്‍ 200 കോടിക്ക് മുകളില്‍ പണംവാരി. 144 കോടി കളക്ഷനെടുത്ത മോഹന്‍ലാലിന്റെ തുടരും ലിസ്റ്റില്‍ എട്ടാമതാണ്. മോഹന്‍ലാല്‍-പൃഥ്വിരാജ് ചിത്രം എമ്പുരാന്റെ കളക്ഷന്‍ 126 കോടി. ലിസ്റ്റില്‍ പത്താം സ്ഥാനം.
100 കോടി കടന്ന 17 ചിത്രങ്ങള്‍ ഉള്‍പ്പെടെ ഈ വര്‍ഷം ആദ്യ ആറുമാസത്തില്‍ ഇന്ത്യന്‍ ബോക്‌സ് ഓഫീസ് ആകെ നേടിയത് 5,723 കോടി രൂപയാണ്. മൊത്തം കളക്ഷന്റെ 39 ശതമാനം വിഹിതവുമായി ഹിന്ദി സിനിമ ആധിപത്യം തുടരുമ്പോള്‍ തെലുങ്ക് (19 ശതമാനം), തമിഴ് (17 ശതമാനം) സിനിമകളാണ് തൊട്ടുപിന്നിലുള്ളത്. 10 ശതമാനമാണ് മലയാളത്തിന്റെ സംഭാവന.
കഴിഞ്ഞ വര്‍ഷം ജനുവരി മുതല്‍ ജൂണ്‍ വരെയുള്ള കാലയളവില്‍ ഇന്ത്യന്‍ ബോക്‌സ് ഓഫീസിന്റെ ആകെ കളക്ഷന്‍ 5032 കോടി രൂപയായിരുന്നു. 2022-ല്‍ 5738 കോടി രൂപ നേടിയതാണ് ഇന്ത്യന്‍ സിനിമയുടെ ചരിത്രത്തിലെ ഏറ്റവും വലിയ ആഭ്യന്തര കളക്ഷന്‍. അതായത് ഇന്ത്യന്‍ ബോക്‌സ് ഓഫീസ് ഏറ്റവുമേറെ കളക്ഷന്‍ നേടുന്നത് ഈ വര്‍ഷമായിരിക്കുമെന്ന് ഉറപ്പ്.
Content Highlights: 17 indian movies cross 100 crore revenue in 2025 first half
Published: 21 Jul 2025, 11:41 am IST
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented