അമ്മയും മൂന്ന് പെൺമക്കളും ചേർന്ന് 35 വർഷമായി കഷ്ടപ്പെട്ട് മുന്നോട്ടുകൊണ്ടുപോയ കടയാണ് വീണ്ടും മഴക്കെടുതിയിൽ തകർന്നത്. 2018ലെ പ്രളയത്തിൽ കടയിലുണ്ടായിരുന്ന എല്ലാം നഷ്ടപ്പെട്ടിരുന്നു. വലിയ നഷ്ടം സഹിച്ച് ഏറെ കഷ്ടപ്പെട്ടാണ് കുടുംബം വീണ്ടും വ്യാപാരം പുനഃരാരംഭിച്ചത്.

To advertise here,

2018ലെ പ്രളയത്തിൽ കട നടത്തിയിരുന്ന അച്ഛനും കുടുംബത്തോടൊപ്പമുണ്ടായിരുന്നു. എന്നാൽ രണ്ട് വർഷം മുമ്പ് അദ്ദേഹം മരണപ്പെട്ടു. അതോടെ അമ്മയും മൂന്ന് പെൺമക്കളും മാത്രമായി കടയുടെ ചുമതല ഏറ്റെടുത്തു. പ്രതിസന്ധികൾക്കിടയിലും കഠിനാധ്വാനം ചെയ്ത് കട മുന്നോട്ടുകൊണ്ടുപോകുന്നതിനിടെയാണ് വീണ്ടും മഴ ദുരിതമായി എത്തിയത്.

പത്തനംതിട്ടയിൽ പെയ്ത ശക്തമായ മഴയിലും വെള്ളക്കെട്ടിലും കട വീണ്ടും വെള്ളത്തിനടിയിലായി. സാധനങ്ങളും ഉപകരണങ്ങളുമടക്കം വലിയ തോതിൽ നാശനഷ്ടമുണ്ടായി. ഏകദേശം 35 ലക്ഷം രൂപയുടെ നഷ്ടമാണ് ഇത്തവണ കണക്കാക്കുന്നത്.

2018ലെ പ്രളയത്തിൽ മാത്രം ഏകദേശം ഒരു കോടി രൂപയുടെ നഷ്ടമാണ് കുടുംബത്തിനുണ്ടായിരുന്നത്. വർഷങ്ങളുടെ അധ്വാനത്തിലൂടെ കെട്ടിപ്പടുത്ത വ്യാപാരവും ജീവിതവും രണ്ട് പ്രളയങ്ങളിലായി കോടികളുടെ നഷ്ടത്തിലേക്ക് തള്ളപ്പെട്ടു.

എല്ലാം നഷ്ടപ്പെട്ടിട്ടും വീണ്ടും ജീവിതം കെട്ടിപ്പടുക്കാൻ ശ്രമിച്ച കുടുംബത്തിന് മുന്നിൽ ഇപ്പോൾ മറ്റൊരു വലിയ പ്രതിസന്ധിയാണ്. 35 വർഷത്തെ അധ്വാനത്തിന്റെ ശേഷിപ്പുകൾ പോലും മഴ കവർന്നെടുത്തപ്പോഴും, അമ്മയും മൂന്ന് പെൺമക്കളും തളരാതെ വീണ്ടും ഒരു തിരിച്ചുവരവിനുള്ള വഴിയിലാണ്