'നിഘണ്ടുവിനായി കൈനീട്ടിയവരെല്ലാം നാലാം ക്ലാസുകാരനാണെന്നറിഞ്ഞപ്പോൾ മുഖം തിരിച്ചു'

ഞാറ്റ്യേല ശ്രീധരൻ- മലയാളം, തമിഴ്, തെലുങ്ക്‌, കന്നട എന്നീ നാല് ദ്രാവിഡഭാഷകളെ ഒരൊറ്റ നിഘണ്ടുവിലേക്ക് സമന്വയിപ്പിച്ച ആദ്യ ചതുർഭാഷാ നിഘണ്ടുവിന്റെ സ്രഷ്ടാവ്. ജീവിതപ്രാരാബ്ധങ്ങൾ പഠനത്തെ നാലാം ക്ലാസിൽ അടിവരയിട്ട് നിർത്തിയപ്പോൾ ബീഡിത്തൊഴിലാളിയായി പലിടങ്ങളിലും അലഞ്ഞ ബാല്യത്തിലാണ് ആദ്യമായി മനുഷ്യന്റെ ആശയവിനിമയമാധ്യമമായ ഭാഷയിലെ കൗതുകം അദ്ദേഹത്തിന് അനുഭവപ്പെടുന്നത്. പിന്നെയുള്ള നീണ്ട ഇരുപത്തിയഞ്ച് വർഷക്കാലം മലയാളത്തിന്റെ അയൽഭാഷകളുമായുള്ള മൽപ്പിടുത്തമായിരുന്നു. 

പേരിന് പിന്നിൽ ഡിഗ്രികളുടെ വാലില്ലാത്തതിനാൽ പലരും നിരുത്സാഹപ്പെടുത്തി. പ്രസാധകർ തള്ളിക്കളഞ്ഞ ചതുർഭാഷാനിഘണ്ടു വെളിച്ചം കണ്ടതാവട്ടെ പെൻഷനേഴ്സ് അസോസിയേഷന്റെ സഹായത്തോടെയും. മികച്ച ഡോക്യുമെന്ററിയ്ക്കുള്ള ദേശീയ പുരസ്‌കാരം നേടിയ നന്ദൻ തന്റെ 'ഡ്രീമിങ് ഓഫ് വേഡ്സിലൂ'ടെ പറഞ്ഞതും വാക്കുകളെ സ്വപ്നം കണ്ട ഞാറ്റ്യേല ശ്രീധരനെക്കുറിച്ചായിരുന്നു. വാക്കുകളെ വശത്താക്കിയവിധത്തെക്കുറിച്ചും ജീവിതത്തെക്കുറിച്ചും ഞാറ്റ്യേല ശ്രീധരൻ സംസാരിക്കുന്നു.