ശബരിമല തീര്ഥാടനത്തിനു പോകുന്നവര്ക്ക് വഴിയിലുള്ള പ്രധാന ക്ഷേത്രങ്ങളില് ദര്ശനം നടത്താന് അവസരം നല്കുന്നതാണ് പാക്കേജ്.

ആലപ്പുഴ: ടെംപിള് കണക്ട് എന്ന പേരില് 72 ക്ഷേത്രങ്ങളെ ബന്ധിപ്പിച്ച് കെഎസ്ആര്ടിസി ബജറ്റ് ടൂറിസം സെല് (ബിടിസി) ശബരിമല തീര്ഥാടന പാക്കേജ് ഒരുക്കുന്നു. തിരുവിതാംകൂര് ദേവസ്വംബോര്ഡുമായി ചേര്ന്നാണിത്.
ശബരിമല തീര്ഥാടനത്തിനു പോകുന്നവര്ക്ക് വഴിയിലുള്ള പ്രധാന ക്ഷേത്രങ്ങളില് ദര്ശനം നടത്താന് അവസരം നല്കുന്നതാണ് പാക്കേജ്. തീര്ഥാടന സീസണിലെ ആദ്യഘട്ടത്തില് പമ്പയ്ക്ക് 1,600 ചാര്ട്ടേഡ് ട്രിപ്പും 72 ചാര്ട്ടേഡ് പാക്കേജും നടത്തും. ആവശ്യക്കാര് കൂടിയാല് പാക്കേജിന്റെ എണ്ണം കൂട്ടും.
വടക്കന് ജില്ലകളില്നിന്നുള്ള പാക്കേജ് രണ്ടുദിവസമാണ്. ആലപ്പുഴ, പത്തനംതിട്ട എന്നിവിടങ്ങളില് നിന്നുള്ളത് ഒരു ദിവസവും.ഒരു ഗ്രൂപ്പിനോ ഒന്നിലധികം ഗ്രൂപ്പുകള്ക്കോ സീറ്റ് ബുക്ക് ചെയ്യാം. 90 ശതമാനം ബുക്കിങ് ആയാല് ഒരു ചാര്ട്ടേഡ് സര്വീസ് നടത്തും. 'അയ്യപ്പ ദര്ശനം' തീര്ഥാടന സേര്കിറ്റ് ആണ് പാക്കേജിന്റെ മറ്റൊരാകര്ഷണം.
അയ്യപ്പ ചരിത്രവുമായി ബന്ധപ്പെട്ട് പ്രാധാന്യമുള്ള കുളത്തൂപ്പുഴ, ആര്യങ്കാവ്, അച്ചന്കോവില്, പന്തളം വലിയകോയിക്കല് ധര്മ്മശാസ്താ ക്ഷേത്രങ്ങള് ബന്ധിപ്പിച്ചാണ് ഈ യാത്ര. ബിടിസി യാത്രക്കാര്ക്ക് പമ്പ ഡിപ്പോയില് സൗജന്യ സൗകര്യങ്ങള് ഏര്പ്പെടുത്തിയിട്ടുണ്ട്. വടക്കന് ജില്ലകളിലുള്ളവര്ക്ക് ഗുരുവായൂര് ക്ഷേത്രം ഉള്പ്പെടുന്ന പാക്കേജ് തിരഞ്ഞെടുക്കാം. തെക്കന് ഭാഗങ്ങളിലുള്ളവര്ക്ക് കൊട്ടാരക്കര ഗണപതീ ക്ഷേത്രം ഉള്പ്പെടുന്ന പാക്കേജുമുണ്ട്.
Content Highlights: KSRTC Kerala`s `Temple Connect` offers budget tourism packages linking 72 temples, including Sabarimala pilgrimage. Book your spiritual journey now!
Published: 20 Nov 2025, 09:57 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented