ഭാരതി എയര്‍ടെലിന്റെ 5ജി സേവനങ്ങള്‍ ആദ്യം എട്ട് നഗരങ്ങളില്‍. ഡല്‍ഹി, മുംബൈ, വാരാണസി, ബെംഗളുരു, ചെന്നൈ, ഹൈദരാബാദ്, നാഗ്പുര്‍, സിലിഗുരി എന്നിവിടങ്ങളിലാണ് 5ജി സേവനങ്ങൾ ആരംഭിച്ചത്. പ്രധാനമന്ത്രി 5ജി സേവനങ്ങള്‍ക്ക് ഔദ്യോഗിക തുടക്കമിട്ട ശനിയാഴ്ച മുതല്‍ തന്നെ ഇവിടങ്ങളില്‍ എയര്‍ടെല്‍ സേവനം ആരംഭിച്ചിരുന്നു. ഇതോടെ ഇന്ത്യയില്‍ 5ജി സേവനം ആരംഭിച്ച ആദ്യ കമ്പനിയായി എയര്‍ടെല്‍. 2023 മാര്‍ച്ചോടെ മറ്റ് നഗരങ്ങളിലും 5ജി വിന്യസിക്കുമെന്നും രാജ്യവ്യാപകമായി 2024-ല്‍ സേവനങ്ങള്‍ ആരംഭിക്കുമെന്നും കമ്പനി മേധാവി സുനില്‍ മിത്തല്‍ പറഞ്ഞു.
നിലവിലുള്ള 4ജി നിരക്കുകള്‍ക്ക് സമാനമായിരിക്കും 5ജി സേവനങ്ങളുടെയും നിരക്കുകള്‍ എന്നാണ് ലഭിക്കുന്ന വിവരം. താരിഫ് പ്ലാനുകള്‍ എന്താണെന്ന് കമ്പനി വ്യക്തമാക്കിയിട്ടില്ല. അതേസമയം 5ജി സേവനത്തിനായുള്ള ചില ജോലികള്‍ കൂടി ചെയ്ത് തീര്‍ക്കാനുണ്ടെന്നും തുടക്കത്തില്‍ മൊബൈല്‍ ടവറുകള്‍ക്ക് അടുത്തുള്ള പ്രദേശങ്ങളില്‍ മാത്രമേ സേവനം ലഭ്യമാകൂ എന്നുമാണ് എയര്‍ടെലുമായി ബന്ധപ്പെട്ടവര്‍ പറയുന്നത്.
Content Highlights: bharti airtel 5g eight cities
Published: 03 Oct 2022, 11:20 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented