അഡ്‌ലെയ്ഡ്: ഇന്ത്യയുടെ രോഹന്‍ ബൊപ്പണ്ണ-രാംകുമാര്‍ രാമനാഥന്‍ സഥ്യം അഡ്‌ലെയ്ഡ് എ.ടി.പി 250 ടെന്നീസ് ടൂര്‍ണമെന്റിന്റെ ഫൈനലില്‍. പുരുഷ വിഭാഗം ഡബിള്‍സ് സെമി ഫൈനലില്‍ നാലാം സീഡായ ടോമിസ്ലാവ് ബര്‍കിച്ച്-സാന്റിയാഗോ ഗോണ്‍സാലസ് സഖ്യത്തെ അട്ടിമറിച്ചാണ് ഇന്ത്യന്‍ ടീം ഫൈനലിലേക്ക് ടിക്കറ്റെടുത്തത്.
മെക്‌സിക്കന്‍ സഖ്യത്തെ നേരിട്ടുള്ള സെറ്റുകള്‍ക്കാണ് ബൊപ്പണ്ണ-രാംകുമാര്‍ സഖ്യം പരാജയപ്പെടുത്തിയത്. സ്‌കോര്‍: 6-2, 6-4. ഫൈനലില്‍ ക്രൊയേഷ്യയുടെ ഇവാന്‍ ഡോഡിജ്-ബ്രസീലിന്റെ മാഴ്‌സെലോ മെലോ സഖ്യത്തെയാണ് ബൊപ്പണ്ണയും രാംകുമാറും നേരിടുക.
41 കാരനായ ബൊപ്പണ്ണയും യുവതാരം രാംകുമാറും മികച്ച പ്രകടനമാണ് ടൂര്‍ണമെന്റിലുടനീളം കാഴ്ചവെച്ചത്. അട്ടിമറികളിലൂടെയാണ് ടീം ഫൈനല്‍ വരെയെത്തിയത്. ഇതാദ്യമായാണ് രാംകുമാറും ബൊപ്പണ്ണയും ഡബിള്‍സ് മത്സരത്തില്‍ കൈകോര്‍ക്കുന്നത്. ഒരുമിച്ച് പങ്കെടുത്ത ആദ്യ ടൂര്‍ണമെന്റില്‍ തന്നെ ഫൈനലിലെത്താനും ഇവര്‍ക്ക് സാധിച്ചു. ടൂര്‍ണമെന്റില്‍ ഇതുവരെ ഒരു സെറ്റുപോലും നഷ്ടപ്പെടുത്താതെയാണ് ഇന്ത്യന്‍ ടീം ഫൈനലിലേക്ക് കുതിച്ചത്.
Content Highlights: Rohan Bopanna-Ramkumar Ramanathan pair cruise to final in Adelaide
Published: 08 Jan 2022, 06:38 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented