അഡ്‌ലെയ്ഡ്: ഓസ്‌ട്രേലിയയില്‍ നടക്കുന്ന അഡ്‌ലെയ്ഡ് ഓപ്പണ്‍ എ.ടി.പി 250 ടെന്നീസ് ടൂര്‍ണമെന്റിന്റെ ക്വാര്‍ട്ടറില്‍ പ്രവേശിച്ച് ഇന്ത്യയുടെ രാംകുമാര്‍ രാമനാഥന്‍-രോഹന്‍ ബൊപ്പണ്ണ സഖ്യം. പുരുഷ വിഭാഗം ഡബിള്‍സ് പ്രീ ക്വാര്‍ട്ടറില്‍ അമേരിക്കയുടെ നഥാനിയേല്‍ ലാമന്‍സ്-ജാക്‌സണ്‍ വിത്രോ സഖ്യത്തെ തകര്‍ത്താണ് ഇന്ത്യന്‍ ടീം ക്വാര്‍ട്ടറില്‍ പ്രവേശിച്ചത്.
മൂന്ന് സെറ്റ് നീണ്ട പോരാട്ടത്തിനൊടുവിലാണ് ബൊപ്പണ്ണ-രാംകുമാര്‍ സഖ്യം വിജയംനേടിയത്. സ്‌കോര്‍: 6-7, 7-6, 10-4. അവസാന സെറ്റ് ടൈ ബ്രേക്കര്‍വരെ നീണ്ടു.
ടൂര്‍ണമെന്റിലെ എട്ടാം സീഡായ അമേരിക്കന്‍ സഖ്യത്തെ ബൊപ്പണ്ണ-രാംകുമാര്‍ സഖ്യം അട്ടിമറിക്കുകയായിരുന്നു. ഇതാദ്യമായാണ് ബൊപ്പണ്ണയും രാംകുമാറും പുരുഷ ഡബിള്‍സില്‍ ഒന്നിക്കുന്നത്.
ഓസ്‌ട്രേലിയന്‍ ഓപ്പണിന് മുന്നോടിയായാണ് അഡ്‌ലെയ്ഡ് ഓപ്പണ്‍ നടക്കുന്നത്. ഓസ്‌ട്രേലിയന്‍ ഓപ്പണ്‍ ജനുവരി 17 നാണ് ആരംഭിക്കുന്നത്.
Content Highlights: Ramkumar Ramanathan, Rohan Bopanna Enter Quarterfinals In Adelaide
Published: 05 Jan 2022, 07:59 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented