ലിമ: ഐ.എസ്.എസ്.എഫ് ലോക ജൂനിയര്‍ ഷൂട്ടിങ് ചാമ്പ്യന്‍ഷിപ്പില്‍ ഇന്ത്യയ്ക്ക് പത്താം സ്വര്‍ണം. 25 മീറ്റര്‍ റാപ്പിഡ് ഫയര്‍ പിസ്റ്റോള്‍ മിക്‌സഡ് ടീം ഇനത്തില്‍ ഇന്ത്യയുടെ റിഥം സാംഗ്‌വാന്‍-വിജയ് വീര്‍ സിദ്ദു സഖ്യം സ്വര്‍ണം നേടി.
ഫൈനലില്‍ തായ്‌ലന്‍ഡിന്റെ കന്യകോണ്‍ ഹിരുണ്‍ഫിയോം-ട്രിനിഫാകോണ്‍ ഷ്വക്കോണ്‍ സഖ്യത്തെയാണ് ഇന്ത്യന്‍ ടീം കീഴടക്കിയത്. സ്‌കോര്‍: 9-1. ഈ ഇനത്തില്‍ ഇന്ത്യ തന്നെയാണ് വെങ്കലവും സ്വന്തമാക്കിയത്. മൂന്നാം സ്ഥാനക്കാര്‍ക്കായുള്ള മത്സരത്തില്‍ ഇന്ത്യയുടെ അനീഷ്-തേജസ്വിനി സഖ്യം വിജയം നേടുകയും വെങ്കലം സ്വന്തമാക്കുകയും ചെയ്തു. തായ്‌ലന്‍ഡ് സഖ്യത്തെയാണ് ഇന്ത്യന്‍ ടീം കീഴടക്കിയത്. ഒരുഘട്ടത്തില്‍ പിന്നില്‍ നിന്ന ഇന്ത്യ പിന്നീട് ശക്തമായി തിരിച്ചടിച്ച് 10-8 എന്ന സ്‌കോറിന് മത്സരം സ്വന്തമാക്കി.
വനിതകളുടെ 50 മീറ്റര്‍ റൈഫില്‍ ത്രീ പൊസിഷന്‍ ടീം ഇനത്തില്‍ ഇന്ത്യ വെള്ളി മെഡല്‍ സ്വന്തമാക്കി. ഇന്ത്യയുടെ നിശ്ചല്‍, പ്രസിദ്ധി മഹാന്ത്, ആയുഷി സഖ്യമാണ് വെള്ളി നേടിയത്. ഫൈനലില്‍ ഇന്ത്യയെ കീഴടക്കി ഈ ഇനത്തില്‍ അമേരിക്ക സ്വര്‍ണം നേടി.
ചാമ്പ്യന്‍ഷിപ്പില്‍ ഇന്ത്യയാണ് മുന്നില്‍. 10 സ്വര്‍ണവും എട്ട് വെള്ളിയും നാല് വെങ്കലവുമടക്കം 22 മെഡലുകളാണ് ഇന്ത്യയുടെ അക്കൗണ്ടിലുള്ളത്. 20 മെഡലുകളുമായി അമേരിക്ക രണ്ടാം സ്ഥാനത്ത് നില്‍ക്കുന്നു.
Content Highlights: Sangwan, Sidhu secure India's 10th gold in ISSF Junior World Championship
Published: 08 Oct 2021, 04:45 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented