ബെര്ലിന്: ക്വാര്ട്ടര് ഫൈനല് രണ്ടാംപാദ മത്സരത്തില് ബൊറൂസിയ ഡോര്ട്മുണ്ടിനോട് പരാജയപ്പെട്ടെങ്കിലും ആദ്യപാദത്തിലെ വന് ജയത്തിന്റെ മികവില് ബാഴ്സലോണ ചാമ്പ്യന്സ് ലീഗ് സെമി ഫൈനലില് കടന്നു. ജര്മനിയിലെ സിഗ്നല് ഇദുന പാര്ക്കില് നടന്ന രണ്ടാംപാദത്തില് ബാഴ്സ 3-1ന് പരാജയപ്പെട്ടു. എങ്കിലും അഗ്രിഗേറ്റില് 5-3 ന്റെ ജയത്തോടെയാണ് അവസാന നാലില് കടന്നത്. ബൊറൂസിയയ്ക്കായി സെര്ഹൗ ഗിറാസി ഹാട്രിക് നേടി.
ആദ്യ പാദത്തിലെ ബാഴ്സയുടെ ഏകപക്ഷീയമായ നാലുഗോള് ജയത്തിന് മറുപടി നല്കാന് ഒരുങ്ങിത്തന്നെയാണ് ഡോര്ട്ട്മുണ്ട് ഇറങ്ങിയത്. 11-ാം മിനിറ്റില് പനേങ്ക പെനാല്റ്റിയിലൂടെ ഗിറാസി ഡോര്ട്ട്മുണ്ടിന് പ്രതീക്ഷ പകര്ന്നു. രണ്ടാംപകുതിയുടെ തുടക്കത്തില് ഹെഡറിലൂടെ വീണ്ടും ഗോള് നേടി. എന്നാല് ആറുമിനിറ്റുകള്ക്കുശേഷം ഡോര്ട്ട്മുണ്ട് താരം റാമി ബെന്സബൈനിയുടെ ദേഹത്ത് പന്ത് തട്ടി സെല്ഫ് ഗോളായത് ബാഴ്സയ്ക്ക് ആശ്വാസം പകര്ന്നു.
76-ാം മിനിറ്റില് ഒരു ഗോള്ക്കൂടി നേടിയതോടെ ഗിറാസിക്ക് ഹാട്രിക്. മത്സരത്തില് ബാഴ്സ കൂടുതല് സമയം പന്ത് കൈവശംവെച്ച് കളിക്കുകകയും മികച്ച പ്രകടനം നടത്തുകയും ചെയ്തെങ്കിലും ആദ്യപാദത്തിലേതുപോലെ സ്കോറുകള് കണ്ടെത്താനായില്ല. എങ്കിലും നാലു ഗോളിന്റെ ലീഡ് നഷ്ടപ്പെടാതെ പ്രതിരോധിക്കാന് കഴിഞ്ഞു.
Content Highlights: barcelona beats borussia dortmund in uefa champions league
Published: 16 Apr 2025, 07:11 am IST
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented