എങ്ങനെയടങ്ങുന്നു
എന്നിലീ വിഷാദത്തിൻ
വന്യത!
അതിന്നിരതേടലി-
ന്നേകാഗ്രത!
വൻമരക്കൊമ്പിൽ
കുതിച്ചെത്തുന്നു;
മൗനത്തിൻ്റെ
വെള്ളിനീർത്തടാകത്തിൽ
ചോരവായ് നനയ്ക്കുന്നു,
എന്നെയും തേടിക്കാട്ടു
പൊന്തയിൽ ഘ്രാണങ്ങൾ തൻ
ബിന്ദു വേർതിരിക്കുന്നു
നിൻ്റെ നാസിക സൂക്ഷ്മം.
ഇങ്ങടുത്തെത്താനായീ
ഓടുകെന്നുയരത്തിൽ
നിന്നു മുന്നറിയിപ്പായ്
പക്ഷികൾ ചിലയ്ക്കുമ്പോൾ,
പിന്നെയും
നരിച്ചീറു പാറുമാ
ഗുഹയ്ക്കുള്ളിൽത്തന്നെ
ഞാനോടിക്കേറും
ദിക്കറിയാതെന്നോണം..
മുമ്പു ഞാൻ മരിച്ചതിൻ
ചോര വീണുണങ്ങാത്ത
മണ്ണിൽ
വീണ്ടുമെന്നൂഴം കാത്തു
പ്രാർത്ഥനാപൂർവ്വം!
Content Highlights: World poetry day 2023, Poem by Sheeja Vakkom
Published: 21 Mar 2023, 09:24 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented