തിരുവനന്തപുരംഛ സംസ്ഥാന സ്കൂൾ കലോത്സവത്തില്‍ ശാസ്ത്രീയ സംഗീതത്തില്‍ ചങ്ങനാശ്ശേരി എസ്.ബി.എച്ച്.എച്ച്.എസിലെ ബെവന്‍ ബിജു എ ഗ്രേഡ് നേടി. മൂകാംബിക ദേവ ഗായകന്‍ ഇത്തിത്താനം പ്രേംജി കെ ഭാസിയുടെ ശിഷ്യനാണ് ബെവന്‍.
ഖരഹരപ്രിയരാഗത്തില്‍ ആദിതാളത്തില്‍ പ്രേംജി കെ ഭാസി ചിട്ടപ്പെടുത്തിയ ഭാരതി പാലയമാം എന്ന കൃതിയാണ് ബെവന്‍ മത്സരത്തിന് പാടിയത്. ശ്രീ സ്വാതി തിരുനാള്‍ കോളേജില്‍ വച്ചായിരുന്നു മത്സരം. സംഗീത വിദ്യാര്‍ഥികളും അധ്യാപകരും സന്നിഹിതരായിരുന്നു. മത്സര വേദികളില്‍ ആദ്യമായാണ് യുവ വാഗ്ഗേയകാരന്മാരുടെ കൃതികള്‍ പാടുന്നത്.
ശ്രോതാക്കളായെത്തിയവരില്‍ പ്രശസ്ത ഗായകരായ കാവാലം ശ്രീകുമാറും വാഴമുട്ടം ചന്ദ്രബാബുവും ആകാശവാണിയിലെ സംഗീത വിഭാഗത്തിലെ ശ്രീമതി കവിതയും ഈ കൃതി ഉന്നത നിലവാരം പുലര്‍ത്തിയെന്ന് അഭിപ്രായപ്പെട്ടു. അധ്യാപകരായ ബിജുവിന്റെയും ജെസ്മിയുടേയും മകനാണ് ബെവന്‍ ബിജു.
Content Highlights: kerala state school kalolsavam
Published: 07 Jan 2025, 04:42 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented