ചാമ്പ്യന്‍സ് ട്രോഫിയില്‍ ഇന്ത്യ - ന്യൂസീലന്‍ഡ് മത്സരത്തിനിടെ വിരാട് കോലിയെ പുറത്താക്കാന്‍ ഗ്ലെന്‍ ഫിലിപ്‌സ് എടുത്ത ക്യാച്ചാണ് ഇപ്പോള്‍ സോഷ്യല്‍ മീഡിയയില്‍ വൈറല്‍. പാകിസ്താനെതിരായ കഴിഞ്ഞ മത്സരത്തില്‍ സെഞ്ചുറി നേടി ഫോമിലുണ്ടായിരുന്ന കോലിയെ ഒരു വണ്ടര്‍ ക്യാച്ചിലൂടെയാണ് ഫിലിപ്‌സ് മടക്കിയത്.
കിവീസ് നിരയിലെ മികച്ച ഫീല്‍ഡര്‍മാരില്‍ മുന്‍പന്തിയിലാണ് ഫിലിപ്‌സ്. 14 പന്തില്‍ നിന്ന് 11 റണ്‍സെടുത്തുനില്‍ക്കേ കോലി അടിച്ച പന്ത് ബാക്ക്‌വേഡ് പോയന്റ് ഏരിയയിലായിരുന്ന ഫിലിപ്‌സ് പറന്നുപിടിക്കുകയായിരുന്നു. ഇതുകണ്ട് കോലിപോലും ഒരു നിമിഷം അന്തംവിട്ടുനിന്നു.
എന്നാല്‍, 300-ാം ഏകദിനം കളിച്ച കോലിയെ പുറത്താക്കിയ ഗ്ലെന്‍ ഫിലിപ്‌സിനോടുള്ള ദേഷ്യം ആരാധകര്‍ തീര്‍ത്തത് ഇലക്ട്രോണിക് ബ്രാന്‍ഡായ ഫിലിപ്‌സിനോടാണ്. ഇലക്ട്രോണിക് ബ്രാന്‍ഡിന്റെ ഔദ്യോഗിക ഇന്‍സ്റ്റാഗ്രാം, എക്‌സ് അക്കൗണ്ടുകളിലെ പോസ്റ്റുകള്‍ക്ക് താഴെ രോഷംപ്രകടിപ്പിച്ചുകൊണ്ടുള്ള ആരാധകരുടെ കമന്റുകളാണ്. രസകരമായ കമന്റുകളും ഇതിനിടയിലുണ്ട്.
ഇന്ത്യന്‍ ഇന്നിങ്‌സിലെ ഏഴാം ഓവറിലാണ് വിരാട് കോലിയെപോലും ഞെട്ടിച്ച ഫിലിപ്‌സിന്റെ ക്യാച്ച്. മാറ്റ് ഹെന്റിയുടെ പന്തിലായിരുന്നു ഇത്.
Content Highlights: Glenn Phillips` incredible catch to dismiss Virat Kohli in the India vs New Zealand Champions Trophy
Published: 02 Mar 2025, 09:21 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented