സൂറിച്ച്: ഖത്തര്‍ ലോകകപ്പ് ഫുട്ബോളില്‍ കളിനിയന്ത്രിക്കാന്‍ വനിതാ റഫറിമാറും. ഫ്രാന്‍സില്‍നിന്നുള്ള സ്റ്റെഫാനി ഫ്രാപ്പര്‍ട്ട്, റുവാന്‍ഡക്കാരി സലീമ മുകാന്‍സാംഗ, ജപ്പാനിലെ യോഷിമി യമഷിദ എന്നിവരാണ് റഫറിപാനലിലേക്ക് തിരഞ്ഞെടുക്കപ്പെട്ടത്. ലോകകപ്പ് ഫൈനലില്‍ ആദ്യമായാണ് വനിതാ റഫറിമാരെ നിയോഗിക്കുന്നത്.
ലോകകപ്പ് യോഗ്യതാ റൗണ്ടില്‍ കളിനിയന്ത്രിച്ച ആദ്യ വനിതയാണ് സ്റ്റെഫാനി. ചാമ്പ്യന്‍സ് ലീഗ്, ഫ്രഞ്ച് ലീഗ് വണ്‍ മത്സരങ്ങളിലും റഫറിയായ ആദ്യവനിതയെന്ന ബഹുമതിയും നേടി.
ആഫ്രിക്കന്‍ നേഷന്‍സ് കപ്പ് മത്സരം നിയന്ത്രിച്ച ആദ്യ വനിതാ റഫറിയാണ് സലീമ.
വനിതാ ലോകകപ്പ്, വനിതാ ചാമ്പ്യന്‍സ് ലീഗടക്കം വമ്പന്‍ ടൂര്‍ണമെന്റുകളില്‍ കളിനിയന്ത്രിച്ചിട്ടുണ്ട്.
ജപ്പാന്‍കാരി യോഷിമി 2019 വനിതാ ലോകകപ്പില്‍ റഫറിയായിരുന്നു. നവംബര്‍ 21 മുതലാണ് ലോകകപ്പ്.
Content Highlights: female referees, football world cup, qatar world cup 2022, fifa world cup 2022, football news
Published: 20 May 2022, 07:50 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented