ക്രൗണ് ഫിലിംസിന്റെ ബാനറില് ഷാന് തുളസീധരന് രചനയും സംവിധാനവും നിര്വ്വഹിക്കുന്ന ഡിയര് വാപ്പി എന്ന പുതിയ ചിത്രത്തിന്റെ ഫസ്റ്റ് ലുക്ക് പോസ്റ്റര് പുറത്തിറങ്ങി. ചിത്രത്തിന്റെ ഷൂട്ടിങ്ങിന് ഇന്ന് തുടക്കം കുറിച്ചു. ഒരു തുന്നല്ക്കാരനായി എത്തുന്ന ലാലിനൊപ്പം തിങ്കളാഴ്ച നിശ്ചയം ഫെയിം അനഘ നാരായണനും പ്രധാന കഥാപാത്രങ്ങളെ അവതരിപ്പിക്കുന്ന ചിത്രത്തില് നിരഞ്ജ് മണിയന്പിള്ള രാജു, ശ്രീരേഖ (വെയില് ഫെയിം), ശശി എരഞ്ഞിക്കല് എന്നിവരും മറ്റ് പ്രധാന കഥാപാത്രങ്ങളെ അവതരിപ്പിക്കുന്നു. കൈലാസ് മേനോന് സംഗീതം നിര്വ്വഹിക്കുന്ന ചിത്രത്തില് പാണ്ടികുമാര് ഛായാഗ്രഹണവും, പ്രവീണ് വര്മ്മ വസ്ത്രാലങ്കാരവും നിര്വഹിക്കുന്നു.
ലിജോ പോള് ചിത്രസംയോജനവും, എം ആര് രാജാകൃഷ്ണന് ശബ്ദ മിശ്രണവും, അജയ് മങ്ങാട് കലാസംവിധാനവും, റഷീദ് അഹമ്മദ് ചമയവും, ഷിജിന് പി രാജ് നിശ്ചലഛായാഗ്രഹണവും നിര്വഹിക്കുന്നു. പ്രൊഡക്ഷന് കണ്ട്രോളര് - ജാവേദ് ചെമ്പ്, പ്രൊഡക്ഷന് എക്സിക്യൂട്ടീവ് - രാധാകൃഷ്ണന് ചേലേരി, പ്രൊഡക്ഷന് മാനേജര് - നജീര് നാസിം, സ്റ്റില്സ് - രാഹുല് രാജ്, ചീഫ് അസോസിയേറ്റ് ഡയറക്ടര് - എല്സണ് എല്ദോസ്, അസോസിയേറ്റ് ഡയറക്ടര് - ഡുഡു ദേവസി, സക്കീര് ഹുസൈന്, അസിസ്റ്റന്റ് ഡയറക്ടേഴ്സ് - സുഖില് സാന്, ശിവ രുദ്രന്. ചിത്രത്തിലെ ഗാനങ്ങള്ക്ക് വരികള് എഴുതിയിരിക്കുന്നത് ബി കെ ഹരിനാരായണന്, മനു മഞ്ജിത്ത് എന്നിവരാണ്. ഒരുപാട് ആഗ്രഹങ്ങളുള്ള ടൈലര് ബഷീറിന്റെയും മോഡലായ മകള് ആമിറയുടെയും ജീവിതയാത്രയാണ് ഡിയര് വാപ്പി എന്ന സിനിമയുടെ ഇതിവൃത്തം. തലശ്ശേരി, മാഹി, മൈസൂര്, മുംബൈ എന്നിവിടങ്ങളിലായിട്ടാണ് ഡിയര് വാപ്പി ചിത്രീകരിക്കുന്നത്.
Content Highlights: Dear Vappi lalu anagha narayanan niranjan maniyanpilla raju
Published: 30 Jan 2023, 09:48 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented