ലീഗ് സിറ്റി (ടെക്സാസ്): ടെക്സാസിലെ മലയാളി സമാജം ഓഫ് ലീഗ് സിറ്റിയുടെ ഈ വർഷത്തെ ഓണാഘോഷം 'ആവണിത്തെന്നൽ 2026' ഓഗസ്റ്റ് 15-ന് ലീഗ് സിറ്റിയിലെ ജോണി അരോൾഫോ സിവിക് സെന്ററിൽ (Johnnie Arolfo Civic Center) വിപുലമായ രീതിയിൽ സംഘടിപ്പിക്കുമെന്ന് ഭാരവാഹികൾ അറിയിച്ചു.
സമാജം പ്രവർത്തനം ആരംഭിച്ച് പതിനൊന്നാം വർഷത്തിലേക്ക് കടക്കുന്ന വേളയിൽ, മുൻവർഷങ്ങളെ അപേക്ഷിച്ച് കൂടുതൽ വൈവിധ്യവും പുതുമയും നിറഞ്ഞ വിനോദ പരിപാടികളാണ് ഇത്തവണ ഒരുക്കിയിരിക്കുന്നതെന്ന് പ്രസിഡന്റ് ബിജോ സെബാസ്റ്റ്യനും സെക്രട്ടറി ഡോ. ജേക്കബ് തെരുവത്തും അറിയിച്ചു.
പരിപാടികളും ഓണസദ്യയും തിരക്കുകളില്ലാതെ ആസ്വദിക്കാനാകുന്ന വിധത്തിൽ പ്രത്യേക ഹാളുകളാണ് ഇത്തവണ സജ്ജീകരിച്ചിരിക്കുന്നതെന്ന് സംഘാടകർ അറിയിച്ചു. കുടുംബങ്ങൾക്കും മുതിർന്നവർക്കും കുട്ടികൾക്കും സൗകര്യപ്രദമായ രീതിയിലാണ് ആഘോഷവേദി ക്രമീകരിച്ചിരിക്കുന്നത്.
രാവിലെ 9.00 മണിക്ക് മാവേലിയുടെ വർണാഭമായ എഴുന്നള്ളിപ്പോടെയാണ് ആഘോഷങ്ങൾക്ക് തുടക്കമാകുക. ചെണ്ടമേളത്തിന്റെയും താലപ്പൊലിയുടെയും അകമ്പടിയോടെ മാവേലിയെ എല്ലാവരും ചേർന്ന് വരവേൽക്കും.
കേരളത്തിന്റെ തനത് കലാരൂപങ്ങൾ ഉൾക്കൊള്ളുന്ന ഘോഷയാത്ര, പുലികളി, നാടൻപാട്ടുകൾ, നൃത്ത-സംഗീത പരിപാടികൾ, വിവിധ കലാവിരുന്നുകൾ എന്നിവ ആഘോഷത്തിന്റെ മുഖ്യ ആകർഷണങ്ങളായിരിക്കും. ഉച്ചയ്ക്ക് ഇരുപതിലധികം വിഭവങ്ങൾ ഉൾക്കൊള്ളുന്ന വിഭവസമൃദ്ധമായ പരമ്പരാഗത ഓണസദ്യയും ഒരുക്കുന്നുണ്ട്.
തുടർന്ന് കുട്ടികൾക്കും മുതിർന്നവർക്കുമായി വടംവലി, ചാക്കിലോട്ടം തുടങ്ങി പത്തോളം പരമ്പരാഗത കായിക-വിനോദ മത്സരങ്ങൾ സംഘടിപ്പിക്കും. വിജയികൾക്ക് ആകർഷകമായ ട്രോഫികളും സമ്മാനങ്ങളും വിതരണം ചെയ്യും.
സ്നേഹത്തിന്റെയും സൗഹൃദത്തിന്റെയും ഐക്യത്തിന്റെയും സന്ദേശം പ്രചരിപ്പിക്കുകയും, മലയാളി സമൂഹത്തിന്റെ കൂട്ടായ്മയും കുടുംബബന്ധങ്ങളും കൂടുതൽ ദൃഢമാക്കുകയും ചെയ്യുക എന്നതാണ് 'അവണിത്തെന്നൽ 2026'-ന്റെ പ്രധാന ലക്ഷ്യമെന്ന് ഭാരവാഹികൾ അറിയിച്ചു.
കൂടുതൽ വിവരങ്ങൾക്ക്:
പ്രസിഡന്റ്: ബിജോ സെബാസ്റ്റ്യൻ 4092566427
വൈസ് പ്രസിഡന്റുമാർ: ജിജു ജോൺ 4093542518, സീന മാത്യൂസ് 4093549660
സെക്രട്ടറി: ഡോ. ജേക്കബ് തെരുവത്ത് 2404261845
ജോയിന്റ് സെക്രട്ടറിമാർ: ഡോ. നജീബ് കുഴിയിൽ 3468929254, പ്രവിത ജിജി ചന്ദ്രൻ 4093222865
ട്രഷറർ: റോബി തോമസ് 8625964850
ജോയിന്റ് ട്രഷറർ: ബിജി കോടക്കേരിൽ 3462321140
പ്രോഗ്രാം കോർഡിനേറ്റർമാർ : ഡോ. സുജിത് നായർ 8145745310, എലേന ടെൽസൺ 9738030183, സാന്ദ്ര ജോസഫ് 2819679986, ഡോ.രാജ് മേനോൻ 2627440452
യൂത്ത് കോർഡിനേറ്റർമാർ: എമിൽഡ ജെയ്സൺ 4094575067, ജിസ്ന ഷോണി 2817033526, സാക് ജോസഫ് 8322856756
വാർത്ത അയച്ചത്: ജീമോൻ റാന്നി
Content Highlights: Avani Thennal 2026 to be held on August 15 at Johnnie Arolfo Civic Center., Features 20+ item traditional Onasadya feast., Cultural highlights include Chendamelam, Pulikali, and traditional dance performances., Sports competitions for all ages including tug-of-war and sack race., Celebrates the 11th year of the League City Malayalee Samajam.
Published: 03 Jul 2026, 10:53 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented