മനാമ: ഇന്ത്യൻ സ്‌കൂൾ ബഹ്റൈൻ (ഐഎസ്ബി) ഉറുദു ദിനം വിവിധ പരിപാടികളോടെ ആഘോഷിച്ചു. ഉറുദു വകുപ്പ് സംഘടിപ്പിച്ച ആഘോഷത്തിൽ ഉറുദു ഭാഷയുടെ സാഹിത്യ സമ്പന്നതയും സാംസ്‌കാരിക പൈതൃകവും പ്രകടമായിരുന്നു.

To advertise here,

സ്‌കൂൾ അസി.സെക്രട്ടറിയും അക്കാദമിക അംഗവുമായ രഞ്ജിനി മോഹൻ, ട്രാൻസ്പോർട്ട് അംഗം മുഹമ്മദ് നയാസ് ഉല്ല, പ്രിൻസിപ്പൽ ശാന്ത കുമാർ ദസരി, അക്കാദമിക അഡ്മിനിസ്‌ട്രേഷൻ വൈസ് പ്രിൻസിപ്പൽ രാജേഷ് നായർ, സീനിയർ സെക്ഷൻ വൈസ് പ്രിൻസിപ്പൽ റെജി വർഗീസ്, മിഡിൽ സെക്ഷൻ വൈസ് പ്രിൻസിപ്പൽ ബിജു വാസുദേവൻ, സ്റ്റാഫ് പ്രതിനിധി പാർവതി ദേവദാസ്, പ്രധാന അധ്യാപകർ എന്നിവർ പങ്കെടുത്തു.

വകുപ്പ് മേധാവി ബാബു ഖാൻ, അദ്ധ്യാപിക മഹനാസ് ഖാൻ എന്നിവർ പരിപാടി ഏകോപിപ്പിച്ചു. അർഹാൻ അബ്ദുൾ റഹിം വിശുദ്ധ ഖുർആൻ പാരായണം നിർവഹിച്ചു. വാനിയ അസ്ലം ഖാൻ വിവർത്തനം നിർവഹിച്ചു. ഉറുദു ദിനം ഹിന്ദി-ഉറുദു നോവലിസ്റ്റും ചെറുകഥാകൃത്തുമായ മുൻഷി പ്രേംചന്ദിന് സമർപ്പിതമായിരുന്നു.

ഗതാഗത അംഗം മുഹമ്മദ് നയാസ് ഉല്ല, ആയിഷ ഖാൻ, ആയിഷ സയ്യിദ്, അസി. സെക്രട്ടറിയും അക്കാദമിക് അംഗവുമായ രഞ്ജിനി മോഹൻ, പ്രിൻസിപ്പൽ ശാന്ത കുമാർ ദസരി, ഷാഹിദ് ക്വാമർ എന്നിവർ പ്രസംഗിച്ചു.

4 മുതൽ 10 വരെയുള്ള ക്ലാസുകളിലെ വിദ്യാർത്ഥികൾക്കായി നിരവധി മത്സരങ്ങൾ ആഘോഷത്തിൽ ഉണ്ടായിരുന്നു. പ്രൈമറി വിദ്യാർത്ഥികൾക്കുള്ള ചിത്രരചന, കളറിംഗ് മത്സരങ്ങൾ, മിഡിൽ, സീനിയർ സ്‌കൂൾ വിദ്യാർത്ഥികൾക്കുള്ള ഉറുദു കവിതാ പാരായണം, കഥപറച്ചിൽ, പ്രസംഗ മത്സരങ്ങൾ എന്നിവ ഉണ്ടായിരുന്നു.

പ്രൈമറി വിഭാഗം കവിതാ പാരായണ മത്സരത്തിൽ നാലാം ക്ലാസിലെ ആയിഷ ഫാത്തിമ ഒന്നാം സ്ഥാനം നേടി. അരീബ അർഫീൻ, മുഹമ്മദ് ഹംസ മൻസൂരി എന്നിവർ രണ്ടും മൂന്നും സ്ഥാനം നേടി. കഥപറച്ചിൽ മത്സരത്തിൽ, എട്ടാം ക്ലാസിലെ തബീൻ ഫാത്തിമ ഒന്നാം സ്ഥാനം നേടി. അരീബ നിയാസ്, ഫാത്തിമ സഹ്റ എന്നിവർ യഥാക്രമം രണ്ടും മൂന്നും സ്ഥാനങ്ങൾ നേടി. പ്രസംഗ മത്സരത്തിൽ പത്താം ക്ലാസിലെ ഷഹീദ് ക്വാമർ ഒന്നാം സ്ഥാനം നേടി. സൈനബ് ജലീലും ആയിഷ ഖാനും രണ്ടും മൂന്നും സ്ഥാനം നേടി.