മനാമ: സാമൂഹിക പ്രതിബദ്ധതയ്ക്കും പാഠ്യേതര വിഷയങ്ങളിലെ മികവിനും കോഴിക്കോട് സാമൂതിരി ഗുരുവായൂരപ്പന്‍ കോളേജ് വിദ്യാര്‍ഥികള്‍ക്കായി ഗുരുവായൂരപ്പന്‍ കോളേജ് അലുംനി-ബഹ്റൈന്‍ നല്‍കിവരുന്ന, കോളേജ് മുന്‍ അധ്യാപകനും പരിസ്ഥിതി പ്രവര്‍ത്തകനുമായിരുന്ന പ്രൊഫ ടി ശോഭീന്ദ്രന്‍ മാഷിന്റെ പേരിലുള്ള പുരസ്‌കാരത്തിന് അവസാന വര്‍ഷ ബി.എ ചരിത്ര വിദ്യാര്‍ഥിയും കോളേജ് നാഷണല്‍ സര്‍വീസ് സ്‌കീം മുന്‍ സെക്രട്ടറിയുമായ അദ്വൈത് എസ് അര്‍ഹനായി.
കഴിഞ്ഞ അധ്യയനവര്‍ഷം കോളേജ് ക്യാമ്പസില്‍ നടപ്പിലാക്കിയ മാലിന്യ സംസ്‌കരണ പദ്ധതിക്ക് അദ്വൈത് നല്‍കിയ നേതൃത്വപരമായ പ്രവര്‍ത്തനങ്ങള്‍ക്കാണ് ഈ വര്‍ഷ െത്ത പ്രൊഫ. ടി ശോഭീന്ദ്രന്‍ അവാര്‍ഡ്. പ്രത്യേകം രൂപകല്‍പന ചെയ്ത ശില്‍പവും 10000 രൂപ ക്യാഷ് അവാര്‍ഡുമടങ്ങുന്നതാണ് പുരസ്‌കാരം. മാര്‍ച്ച് 26-ന് നടക്കുന്ന കോളേജ് ഡേ ചടങ്ങില്‍ പുരസ്‌കാരം കൈമാറുമെന്ന് ബഹ്റൈന്‍ അലുംനി ഭാരവാഹികള്‍ പത്രക്കുറിപ്പില്‍ അറിയി ച്ചു.
കൂടുതല്‍ വിവരങ്ങള്‍ക്കും ഗുരുവായൂരപ്പന്‍ കോളേജ് ബഹ്റൈന്‍ അലുംനിയുടെ ഭാഗമാവാനും +973 34353639, +973 34304560 എന്നീ നമ്പറുകളില്‍ ബന്ധെപ്പടാവുന്നതാണ്.
Content Highlights: guruvayoorappan collage alumni award
Published: 24 Mar 2025, 11:19 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented