മനാമ: ആരാധനയെ സാമൂഹിക പ്രതിബദ്ധതയാക്കി മാറ്റി കാരുണ്യപ്രവർത്തനങ്ങളുടെ പാതയിൽ മാതൃകയാവുകയാണ് ദിലീപ് ഫാൻസ് ബഹ്റൈൻ ചാപ്റ്റർ. കഴിഞ്ഞ പത്ത് വർഷമായി 'സാന്ത്വനസ്പർശം' എന്ന പേരിൽ വിവിധ സാമൂഹിക-സന്നദ്ധ സേവന പ്രവർത്തനങ്ങൾ നടത്തിവരുന്ന സംഘടനയുടെ നാലാമത് മെഡിക്കൽ ക്യാമ്പ് മികച്ച ജനപങ്കാളിത്തത്തോടെ വിജയകരമായി പൂർത്തിയായി. അദ്ലിയ അൽ ഹിലാൽ ഹോസ്പിറ്റലിൽ സംഘടിപ്പിച്ച ക്യാമ്പിൽ 200-ലധികം പേർ പങ്കെടുത്തു. ക്യാമ്പിന്റെ ഭാഗമായി ബ്ലഡ് ഷുഗർ, കൊളസ്ട്രോൾ, യൂറിക് ആസിഡ്, ക്രിയാറ്റിനിൻ പരിശോധനകൾക്കൊപ്പം രക്തസമ്മർദ്ദ പരിശോധന, ബോഡി മാസ് ഇൻഡക്സ്, ജനറൽ ഫിസിഷ്യൻ കൺസൾട്ടേഷൻ എന്നിവയും ലഭ്യമാക്കി. കൂടാതെ ബോഡി മാസ് പരിശോധനയ്ക്കും ഡയറ്റീഷ്യൻ കൺസൾട്ടേഷനും സൗകര്യമൊരുക്കിയിരുന്നു. സാമൂഹിക പ്രവർത്തകൻ ബഷീർ അമ്പലായി ക്യാമ്പ് ഉദ്ഘാടനം ചെയ്തു. മനോജ് പിള്ള വിശിഷ്ടാതിഥിയായി പങ്കെടുത്തു.
സംഘടനയുടെ പ്രസിഡന്റ് അബ്ദുൽ റസാഖിന്റെയും സെക്രട്ടറി പ്രശോഭ് ന്റെയും നേതൃത്വത്തിൽ കോർഡിനേറ്റർമാരായ ഷംസീർ, മൻസൂർ, ആൽവിൻ എന്നിവരുടെ ഏകോപനത്തിലുമാണ് ക്യാമ്പിന്റെ ആസൂത്രണവും തുടക്കം മുതലുള്ള ഒരുക്കങ്ങളും നടന്നത്. വൈസ് പ്രസിഡന്റ് രഞ്ജിത്ത് കുരുവിള, ബേബി ഹംദാൻ, പ്രശോഭ്, പ്രജിത്ത്, അഖിൽ, സൂരജ് എന്നിവരടക്കം നിരവധി പ്രവർത്തകരും ക്യാമ്പിന്റെ വിജയത്തിനായി സജീവമായി രംഗത്തുണ്ടായിരുന്നു. സ്നേഹവും കരുതലും സഹജീവിസ്നേഹവും കൈമുതലാക്കി കൂടുതൽ സന്നദ്ധസേവന പ്രവർത്തനങ്ങളിലൂടെ പ്രവാസി സമൂഹത്തിന് താങ്ങും തണലുമായി മുന്നോട്ടുപോകാനുള്ള ദൃഢനിശ്ചയത്തിലാണ് സംഘടന. നാലാമത് മെഡിക്കൽ ക്യാമ്പിന്റെ വിജയം ആ സേവനയാത്രയിലെ പുതിയൊരു അധ്യായമായി മാറി.
Published: 22 Nov 2026, 12:11 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented