മനാമ: ബഹ്റൈന് പ്രതിഭ റിഫ മേഖല നാടക വേദിയുടെ ആഭിമുഖ്യത്തില്‍ ഏകദിന നാടകക്കളരി സംഘടിപ്പിച്ചു. സല്‍മാനിയയിലെ പ്രതിഭ സെന്ററില്‍ നടന്ന ക്യാമ്പ് പ്രതിഭ ജനറല്‍ സെക്രട്ടറി മിജോഷ് മൊറാഴ ഉദ്ഘാടനം ചെയ്തു. മേഖല നാടക വേദി കണ്‍വീനര്‍ മനോജ് എടപ്പാള്‍ സ്വാഗതം പറഞ്ഞ ചടങ്ങില്‍ മേഖല കമ്മിറ്റി അംഗം ലിജിത്ത് പുന്നശ്ശേരി അധ്യക്ഷത വഹിച്ചു. പ്രതിഭ രക്ഷാധികാരി സമിതി അംഗം എന്‍.കെ.വീരമണി, പ്രതിഭ നാടക വേദി കണ്‍വീനര്‍ എന്‍.കെ.അശോകന്‍ എന്നിവര്‍ ആശംസകള്‍ അര്‍പ്പിച്ചു സംസാരിച്ചു.
മേഖല സെക്രട്ടറി മഹേഷ്, മേഖല പ്രസിഡണ്ട് ഷിജു പിണറായി എന്നിവര്‍ സന്നിഹിതരായിരുന്നു. നാടക പ്രവര്‍ത്തകരായ പ്രവീണ്‍ രുഗ്മ ഏഴോം, ഉദയന്‍ കുണ്ടംകുഴി എന്നിവര്‍ നാടകത്തിന്റെ വിവിധ മേഖലകളെ സ്പര്‍ശിച്ചു കൊണ്ട് ഒരു ദിവസം മുഴുവന്‍ നീണ്ടു നിന്ന ക്യാമ്പ് നയിച്ചു.
പ്രതിഭയിലെ വിവിധ യൂണിറ്റുകളില്‍ നിന്നും എത്തിയ നാടക തല്പരരായവര്‍ ക്യാമ്പില്‍ പങ്കെടുത്തു. വൈകുന്നേരം നടന്ന സമാപന ചടങ്ങില്‍ ക്യാമ്പ് ഡയറക്ടര്‍മാര്‍ക്കുള്ള ഉപഹാരം രക്ഷാധികാരി സമിതി അംഗം ഷീബ രാജീവന്‍, ജനറല്‍ സെക്രട്ടറി മിജോഷ് മൊറാഴ എന്നിവര്‍ കൈമാറി. ക്യാമ്പില്‍ പങ്കെടുത്തവര്‍ക്കുള്ള സര്‍ട്ടിഫിക്കറ്റുകളും പ്രസ്തുത ചടങ്ങില്‍ വിതരണം ചെയ്തു.
Content Highlights: bahrain prathibha
Published: 13 Aug 2025, 11:54 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented