ചരമം

വി.എൻ.പ്രഭാകരൻ

പന്തളം: ഇലക്ട്രിക്കൽ കരാറുകാരനും പ്രഭാ സൗണ്ട് ഉടമയുമായ മുടിയൂർകോണം വെളിയാട്ട് വി.എൻ.പ്രഭാകരൻ(62)അന്തരിച്ചു. ഭാര്യ: സുധാ പ്രഭാകരൻ(ബ്ലോക്ക് പഞ്ചായത്ത് മുൻ അംഗം). മക്കൾ: പ്രഭീഷ് കുമാർ, പ്രഭീല, പരേതനായ പ്രജീഷ് കുമാർ. മരുമക്കൾ: അമൃത, വിനോദ്(സൗദി). ശവസംസ്‌കാരം വ്യാഴാഴ്ച 11-ന് വീട്ടുവളപ്പിൽ.

ഓട്ടോറിക്ഷയും വാനും കൂട്ടിയിടിച്ച് ഓട്ടോ ഡ്രൈവർ മരിച്ചു അഞ്ചുപേർക്ക് പരിക്ക്

പന്തളം: പന്തളം-മാവേലിക്കര റോഡിൽ ഐരാണിക്കുടി പാലത്തിനുസമീപം ഓട്ടോറിക്ഷയും പിക്കപ്പ് വാനും കൂട്ടിയിടിച്ച് ഓട്ടോ ഡ്രൈവർ മരിച്ചു. ഒരു കുടുംബത്തിലെ നാലുപേർക്കും പിക്കപ്പ് വാൻ ഡ്രൈവർക്കും പരിക്കേറ്റു. കായംകുളം കണ്ടല്ലൂർ തുണ്ടത്തിൽ വടക്കേതിൽ റ്റി.എൻ.ഗണേശനാ(62)ണ് മരിച്ചത്. ഓട്ടോറിക്ഷയിലുണ്ടായിരുന്ന കണ്ടല്ലൂർ കോവിലകത്ത് അനിൽകുമാറിന്റെ ഭാര്യ ഉഷാദേവി(45), മക്കളായ അഞ്ജലീദേവി(22), അഞ്ജനാദേവി(12), ഉഷാദേവിയുടെ സഹോദരി സുജാത(43), പിക്കപ്പ് വാൻ ഡ്രൈവർ പ്രകാശ് എന്നിവർക്കാണ് പരിക്കേറ്റത്.

ഇതിൽ അഞ്ജനാദേവിയെ കോട്ടയം മെഡിക്കൽ കോളേജാശുപത്രിയിലും മറ്റു മൂന്നുപേരെ ഇടപ്പോൺ ജോസ്‌കോ ആശുപത്രിയിലും പ്രവേശിപ്പിച്ചു.

ചൊവ്വാഴ്ച രാവിലെ 7.30-നായിരുന്നു അപകടം. മലയാലപ്പുഴ ഭഗവതിക്ഷേത്രത്തിൽ ദർശനത്തിനുപോയവരായിരുന്നു ഓട്ടോറിക്ഷയിലുണ്ടായിരുന്ന കുടുംബം. ഡിസംബർ ഒൻപതിന് അഞ്ജലിദേവിയുടെ വിവാഹം നിശ്ചയിച്ചിരിക്കുകയായിരുന്നു. ഇതിന് വഴിപാടുകൾ നടത്താനായാണ് ഇവർ മലയാലപ്പുഴ ക്ഷേത്രത്തിലേക്കുപോയത്. എതിരേ പാലുമായിവന്ന പിക്കപ്പ് വാനുമായാണ് കൂട്ടിയിടിച്ചത്. ഇടിയുടെ ആഘാതത്തിൽ തകർന്ന ഓട്ടോറിക്ഷയുടെ ക്യാബിൻ വെട്ടിപ്പൊളിച്ചാണ് അഗ്നിരക്ഷാസേന, ഡ്രൈവറെ പുറത്തെടുത്തത്.

രമണിയാണ് മരിച്ച ഗണേശന്റെ ഭാര്യ. മക്കൾ: രമ്യ, സൗമ്യ, ഗോകുൽ. മരുമക്കൾ: ഉമേഷ്, മധു.

വിക്രമൻ നായർ

പത്തനംതിട്ട: റിട്ട. ബി.എസ്.എൻ.എൽ. ഡിവിഷണൽ എൻജിനീയർ കൊടുന്തറ സുധാമത്തിൽ വിക്രമൻ നായർ (70) അന്തരിച്ചു. ഭാര്യ: എ.ബി.ശ്രീദേവി (റിട്ട. ഉദ്യോഗസ്ഥ, എസ്.ബി.ടി. പത്തനംതിട്ട). മക്കൾ: രഞ്ജിത്ത്(ബെംഗളൂരു), ശ്രീജിത്ത്(എം.കെ.ട്രേഡേഴ്‌സ്,കൊടുന്തറ). മരുമക്കൾ: സ്വപ്ന(ബെംഗളൂരു), പാർവതി ചന്ദ്. ശവസംസ്‌കാരം ബുധനാഴ്ച മൂന്നിന് വീട്ടുവളപ്പിൽ. സഞ്ചയനം ഞായറാഴ്ച രാവിലെ ഒൻപതിന്.

എൻ.വിശ്വനാഥൻ നായർ

പന്തളം: മങ്ങാരം പുത്തൻവീട്ടിൽ എൻ.വിശ്വനാഥൻ നായർ(83) അന്തരിച്ചു. ഭാര്യ: അമ്മിണി വി.നായർ. മക്കൾ: പുഷ്പ ആർ.നായർ, വി.വിജയകുമാർ(പന്തളം നഗരസഭാ കൗൺസിലർ), വിനയകുമാർ, ലക്ഷ്മി, ബിന്ദു ലക്ഷ്മി. മരുമക്കൾ: രാജൻ നായർ, മിനി വി.കുമാർ, ലത, ഹരിചന്ദ്രൻ, ഹരികുമാർ. ശവസംസ്‌കാരം വ്യാഴാഴ്ച 11-ന് മകൻ വിജയകുമാറിന്റെ പുതുപുത്തൻ വീട്ടുവളപ്പിൽ.

ഗോപാലകൃഷ്ണൻനായർ

മല്ലപ്പള്ളി-ആനിക്കാട്‌: മന്ദത്ത്‌ കരോട്ട്‌ ഗോപാലകൃഷ്ണൻനായർ(88) അന്തരിച്ചു. ഭാര്യ: അമ്മിണിയമ്മ. മക്കൾ: ശ്രീദേവി നായർ, സുരേഷ്‌ നായർ, സതീഷ്‌ നായർ, ദിനേശ്‌ നായർ, പ്രകാശ്‌ നായർ. മരുമക്കൾ: രാജേന്ദ്രൻ നായർ, ലേഖാ നായർ, സതി നായർ, സന്ധ്യാ നായർ, സരളാനായർ. ശവസംസ്കാരം വ്യാഴാഴ്ച 11-ന്‌ വീട്ടുവളപ്പിൽ. സഞ്ചയനം ഞായറാഴ്ച 10-ന്‌.

എം.എൻ.ദിവാകരൻപിള്ള

പന്തളം: മുടിയൂർക്കോണം ഉഷസിൽ എം.എൻ.ദിവാകരൻപിള്ള(71) അന്തരിച്ചു. ഭാര്യ: ഉഷാദേവി. മകൻ: സന്തോഷ്. മരുമകൾ: വാണി. ശവസംസ്‌കാരം ബുധനാഴ്ച രണ്ടിന് വീട്ടുവളപ്പിൽ.