വാഷിങ്ടൺ: പ്രസിഡന്റ് ഡൊണാൾഡ് ട്രംപിനെയും മറ്റ് ഉന്നത അമേരിക്കൻ രാഷ്ട്രീയ നേതാക്കളെയും വധിക്കാൻ പദ്ധതിയിട്ടതിന് പാകിസ്താൻ പൗരന് 27 വർഷവും ആറുമാസവും തടവ് വിധിച്ച് കോടതി. ബ്രൂക്ക്‌ലിനിലെ ഫെഡറൽ കോടതിയാണ് ആസിഫ് മർച്ചന്റ് എന്ന നാൽപ്പത്തെട്ടുകാരൻ കുറ്റക്കാരനെന്ന് കണ്ടെത്തി ശിക്ഷ വിധിച്ചത്. ഇറാന്റെ പിന്തുണയിലായിരുന്നു ആസിഫിന്റെ പ്രവർത്തനങ്ങളെന്നും കണ്ടെത്തിയിട്ടുണ്ട്. 2024-ലാണ് ഇയാൾ അറസ്റ്റിലായത്.

To advertise here,

2020-ൽ ഇറാന്റെ സൈനിക കമാൻഡർ ഖാസിം സുലൈമാനിയെ അമേരിക്ക വധിച്ചിരുന്നു. ഇതിന് പ്രതികാരമായി, അന്ന് പ്രസിഡന്റായിരുന്ന ഡൊണാൾഡ് ട്രംപിനെയും മറ്റ് നേതാക്കളെയും ലക്ഷ്യമിട്ട് ആക്രമണം നടത്താൻ ആളുകളെ റിക്രൂട്ട് ചെയ്യാൻ ആസിഫ് ശ്രമിച്ചെന്ന് പ്രോസിക്യൂഷൻ പറഞ്ഞു. ജോ ബൈഡനെയും നിക്കി ഹാലിയേയും ഉന്നമിട്ടിരുന്നെന്നാണ് വിവരം.

ടെഹ്റാനിലുള്ള തന്റെ കുടുംബത്തെ സംരക്ഷിക്കുന്നതിന് വേണ്ടിയാണ് ഐആർജിസിയുടെ ഗൂഢാലോചനയിൽ പങ്കാളിയായതെന്നും സ്വന്തം ഇഷ്ടപ്രകാരമായിരുന്നില്ല അതെന്നും വിചാരണയ്ക്കിടെ ആസിഫ് മൊഴി നൽകിയിരുന്നു. ഒരു പ്രത്യേക വ്യക്തിയെ കൊലപ്പെടുത്താൻ തനിക്ക് നിർദേശം ലഭിച്ചിരുന്നില്ല. ടെഹ്റാനിൽ നടന്ന സംഭാഷണങ്ങൾക്കിടെ തന്റെ ഇറാനിയൻ ഹാൻഡ്ലർ മൂന്നുപേരുടെ പേരുകൾ പരാമർശിച്ചിരുന്നുവെന്നും ആസിഫ് വിചാരണയ്ക്കിടെ വ്യക്തമാക്കി.