ന്യൂയോർക്ക്: ന്യൂയോർക്ക് നഗരത്തിന്റെ മേയറായി സത്യപ്രതിജ്ഞ ചെയ്തതിലൂടെ സൊഹ്റാൻ മംദാനി ചരിത്രം സൃഷ്ടിച്ചിരിക്കുകയാണ്. മാൻഹട്ടനിലെ ഡികമ്മിഷൻ ചെയ്ത സബ്വേ സ്റ്റേഷനിലായിരുന്നു ഇന്ത്യൻ വംശജനായ മംദാനിയുടെ സത്യപ്രതിജ്ഞാച്ചടങ്ങ്. അടുത്ത കുടുംബാംഗങ്ങളും ചെറിയ സംഘം റിപ്പോർട്ടർമാരും മാത്രമാണ് പങ്കെടുത്തത്. അമേരിക്കയിലെ ഏറ്റവും വലിയ നഗരത്തിലെ ആദ്യത്തെ മുസ്ലിം വംശജനായ മേയർ കൂടിയായ മംദാനി, ഖുർആനിൽ കൈ വെച്ചാണ് സത്യപ്രതിജ്ഞ ചെയ്തത്.
ചടങ്ങിനായി ക്ലാസിക്കും അതേസമയം ശ്രദ്ധേയമായതുമായ വസ്ത്രധാരണ രീതിയാണ് മംദാനി തിരഞ്ഞെടുത്തത്. ന്യൂയോർക്ക് ആസ്ഥാനമായി പ്രവർത്തിക്കുന്ന സ്യൂട്ട് സപ്ലൈ എന്ന പ്രമുഖ സ്യൂട്ട് കമ്പനിയുടെ കറുത്ത നിറത്തിലുള്ളള സ്യൂട്ടാണ് മംദാനി ധരിച്ചത്. ബാൻഡേജ് പോലുള്ള തോളുകളുള്ള ജാക്കറ്റ്, സ്ട്രെയ്റ്റ് ട്രൗസർ എന്നിവയ്ക്കൊപ്പം ക്രിസ്പ് വെള്ള ഷർട്ടാണ് അദ്ദേഹം തിരഞ്ഞെടുത്തത്. ഹെയർസ്റ്റൈൽ സന്ദർഭത്തിന് അനുയോജ്യമായിരുന്നു.
എന്നാൽ ഏറ്റവും ശ്രദ്ധേയമായത് അദ്ദേഹത്തിന്റെ ടൈ ആയിരുന്നു. അസമിൽ നിന്നുള്ള ജാക്വാർഡ് മോട്ടിഫുകളുള്ള കൈ കൊണ്ട് നെയ്ത സിൽക്ക് ടൈയാണ് മംദാനി അണിഞ്ഞത്.ഡൽഹി ആസ്ഥാനമായി പ്രവർത്തിക്കുന്ന 26 കാരനായ ഡിസൈനർ കാർത്തിക് കുമ്രയാണ് ടൈ നിർമ്മിച്ചത്. ടൈയിൽ വളരെ സൂക്ഷ്മമായ ഹെറിങ്ബോൺ ഘടനയും അതിലോലമായ സ്വർണ എംബ്രോയ്ഡറിയും ഉണ്ടായിരുന്നു. ചെറിയ നാല് ഇതളുകളുള്ള പുഷ്പങ്ങളുടെ രൂപങ്ങൾ ജാക്വാർഡിൽ നെയ്തതാണ്.
അദ്ദേഹത്തിന്റെ ഭാര്യയും കലാകാരിയുമായ രമ ദുവാജി വളരെ വ്യത്യസ്തമായ എന്നാൽ തുല്യമായ വേഷവിധാനം തിരഞ്ഞെടുത്തു. വിന്റേജ് ബലെൻസിയാഗ വൂൾ കോട്ടും കോട്ടിന് ഒരു അസിമെട്രിക്കൻ കട്ടും ഫണൽ കഴുത്തും ഉണ്ടായിരുന്നു. വൈഡ്-ലെഗ് ബ്ലാക്ക് ഷോർട്ട്സിനൊപ്പം കോട്ട് പെയർ ചെയ്തു. പോയിന്റഡ്-ടോ ബ്ലാക്ക് ബൂട്ടുകൾ അവർ അണിഞ്ഞു. രമ സ്വർണാഭരണങ്ങളാണ് അണിഞ്ഞിരുന്നത്. അവരുടെ മുടി ബ്ലൻ്റ് ബാങ്സോടെ, ചെറുതായി ലെയർ ചെയ്ത മുടിയിൽ സ്റ്റൈൽ ചെയ്തിരുന്നു. മേക്കപ്പ് ലളിതമായിരുന്നെങ്കിലും ഷാർപ്പ് ആയിരുന്നു.
Content Highlights: New York`s new Mayor, Zohran Mamdani, makes history with Indian roots. Explore his powerful inauguration and unique sartorial choices, including an Assamese silk tie.
Published: 02 Jan 2026, 09:50 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented