തിരുവനന്തപുരം: വൈദ്യുതി മന്ത്രി സണ്ണി ജോസഫിന്റെ പേഴ്‌സണൽ സ്റ്റാഫിൽ ബന്ധു നിയമനം നടന്നെന്ന വാർത്തയിൽ പ്രതികരിച്ച് മുഖ്യമന്ത്രി വി.ഡി സതീശൻ. വിഷയം ശ്രദ്ധയിൽപ്പെട്ടിട്ടുണ്ടെന്നും അത് പരിശോധിച്ചശേഷം പറയാമെന്നും അദ്ദേഹം പറഞ്ഞു. മന്ത്രിയുടെ സഹോദരീ ഭർത്താവായ ബെന്നി തോമസിനെ അഡീഷണൽ പ്രൈവറ്റ് സെക്രട്ടറിയായാണ് നിയമിച്ചത് സംബന്ധിച്ച വിവാദം ചൂണ്ടിക്കാട്ടിയപ്പോഴായിരുന്നു മറുപടി.

To advertise here,

കണ്ണൂർ ഉളിക്കൽ സ്വദേശിയും ഡി.സി.സി. ജനറൽ സെക്രട്ടറിയുമാണ് ബെന്നി തോമസ്. ഇത് ചൂണ്ടിക്കാട്ടി വിവിധ കോണുകളിൽനിന്ന് വിമർശനങ്ങൾ ഉയർന്നിരുന്ന സാഹചര്യത്തിലാണ് വ്യാഴാഴ്ച നടന്ന പത്രസമ്മേളനത്തിൽ മാധ്യമങ്ങൾ ഇക്കാര്യം ചൂണ്ടിക്കാട്ടിയത്.

ബന്ധുനിയമനവുമായി ബന്ധപ്പെട്ട് കഴിഞ്ഞ എൽ.ഡി.എഫ്. സർക്കാരിനെതിരേ യു.ഡി.എഫ്. രൂക്ഷ വിമർശനമുയർത്തിയിരുന്നു. അതേ മുന്നണിയിൽനിന്നുതന്നെ ഈരീതിയിലുള്ള നിയമനങ്ങൾ വന്നതാണ് വിമർശനങ്ങൾക്കിടയാക്കിയത്.