
പത്തനംതിട്ട: പത്തനംതിട്ടയില് തെരുവുനായ ആക്രമണം. മൂന്നുപേര്ക്ക് കടിയേറ്റു. അധ്യാപകനും ടെലിവിഷന് താരവുമായ ഡോ. രജിത് കുമാര് ഉള്പ്പെടെ മൂന്നുപേര്ക്കാണ് നായയുടെ കടിയേറ്റത്. പത്തനംതിട്ടയില് സിനിമാചിത്രീകരണത്തിന് എത്തിയതായിരുന്നു രജിത് കുമാര്.
പത്തനംതിട്ട നഗരത്തില് മൂന്നിടങ്ങളിലായാണ് തെരുവുനായയുടെ ആക്രമണം ഉണ്ടായത്. രാവിലെ ഏഴുമണിയോടെ കുമ്പഴയില്വെച്ച് മലയാലപ്പുഴ സ്വദേശി രാജു എന്നയാള്ക്കാണ് നായയുടെ കടിയേറ്റത്. പിന്നീട് കണ്ണങ്കര ഭാഗത്തുവെച്ച് മുരുകന് എന്ന ഇതരസംസ്ഥാനത്തൊഴിലാളിയ്ക്കും കടിയേറ്റു. തുടര്ന്ന് എട്ടുമണിയോടെ പത്തനംതിട്ട നഗരത്തില് അയ്യപ്പക്ഷേത്രത്തിനു സമീപത്തുവെച്ചാണ് ഡോ. രജിത് കുമാറിന് നായയുടെ കടിയേറ്റത്. പ്രഭാതസവാരിക്കിടെ ആയിരുന്നു സംഭവം.
നായയുടെ ആക്രമണത്തില് പരിക്കേറ്റ മൂവരും പത്തനംതിട്ട ജനറല് ആശുപത്രിയിലെത്തി പ്രതിരോധവാക്സിന് എടുത്തു. ഇവരെ മൂവരെയും കടിച്ചത് ഒരേ നായയാണ് എന്നാണ് കരുതുന്നത്.
Content Highlights: stray dog bites three including reality show participant dr rajith kumar
Published: 30 Oct 2023, 12:31 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented