പി സി ജോര്‍ജിന്റെ വായക്ക് മുന്നില്‍ കക്കൂസ് പോലും നാണിച്ച് പോകും-റിജില്‍ മാക്കുറ്റി, Rijil makkutty against pc george

27 February 2021, 01:59 PM IST

പി.സി.ജോർജ്, റിജിൽ മാക്കുറ്റി |ഫോട്ടോ:Mathrubhumi,facebook.com|Rijilchandranmakkutty

തിരുവനന്തപുരം: ജനപക്ഷം നേതാവ് പി.സി.ജോര്‍ജിനെതിരെ കടുത്ത വിമര്‍ശനവുമായി യൂത്ത് കോണ്‍ഗ്രസ് സംസ്ഥാന വൈസ് പ്രസിഡന്റ റിജില്‍ മാക്കുറ്റി. പി.സി ജോര്‍ജിന്റെ വായ കക്കൂസ് ആണെന്ന് പറഞ്ഞാല്‍ കക്കൂസ് പോലും നാണിച്ച് പോകുമെന്ന് റിജില്‍ മാക്കുറ്റി പറഞ്ഞു. ഫെയ്‌സ്ബുക്കിലൂടെയാണ് റിജില്‍ മാക്കുറ്റിയുടെ പ്രതികരണം. യുഡിഎഫ് ജിഹാദികളുടെ കൈകളിലാണെന്നതടക്കമുള്ള വിമര്‍ശനം പി.സി.ജോര്‍ജ് ഇന്ന് നടത്തിയിരുന്നു. ഇതിനോടുള്ള പ്രതികരണമാണ് യൂത്ത് കോണ്‍ഗ്രസ് വൈസ് പ്രസിഡന്റിന്റേത്.

കേരള രാഷ്ട്രീയം ഇതു പോലൊരു വിഷം വമിക്കുന്ന മാലിന്യത്തെ കണ്ടിട്ടില്ല. പൂഞ്ഞാര്‍ എംഎല്‍എ ആയത് ആരുടെ ഒക്കെ വോട്ട് കൊണ്ടാണെന്ന് ഇയാള്‍ക്ക് അറിയാഞ്ഞിട്ടല്ല. ഇത്തവണ പൂഞ്ഞാറുകാര്‍ക്ക് തിരിച്ചറിവ് ഉണ്ടാകട്ടെ എന്ന് പ്രാര്‍ത്ഥിക്കുന്നുവെന്നും റിജില്‍ മാക്കുറ്റി കുറിച്ചു.

കഴിഞ്ഞ ദിവസം സെക്രട്ടറിയേറ്റിന് മുന്നിലെ യൂത്ത് കോണ്‍ഗ്രസിന്റെ നിരാഹാര സമരപ്പന്തലില്‍ പിന്തുണ പ്രഖ്യാപിച്ച് എത്തിയ പി.സി.ജോര്‍ജിന്റെ പൊന്നാട റിജില്‍ മാക്കുറ്റി നിരസിച്ചിരുന്നു. റിജിലിനൊപ്പം നിരാഹാരം അനുഷ്ഠിക്കുന്ന മറ്റ് രണ്ട് യൂത്ത് കോണ്‍ഗ്രസ് വൈസ് പ്രസിഡന്റുമാരായ എന്‍.എസ്.നുസൂര്‍, റിയാസ് മൂക്കോളി എന്നിവര്‍ പൊന്നാട സ്വീകരിച്ചപ്പോള്‍ റിജില്‍ താല്‍പര്യമില്ലെന്ന് പറഞ്ഞ് ഒഴിയുകയായിരുന്നു.

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)