പുതുപ്പള്ളി (കോട്ടയം): ഇരണ്ടക്കെട്ട് ഭേദമായ ശേഷം വിശ്രമത്തിലുള്ള ‘പുതുപ്പള്ളി സാധു’ ഞായറാഴ്ച രാവിലെ പുതുപ്പള്ളി പള്ളിയിലെത്തി. പാപ്പാന്മാർ സാധുവിനെ പള്ളിയങ്കണത്തിലെത്തിച്ചു.
വൈദികർ പ്രത്യേകം പ്രാർഥനകൾ നടത്തി ഭക്ഷണം നൽകി. പള്ളിക്കുമുൻപിലെ കൽക്കുരിശിങ്കൽ തുമ്പിക്കൈ ഉയർത്തി വണങ്ങി. ഷാളും പൂമാലകളും അണിയിച്ചായിരുന്നു സ്വീകരണം. പള്ളിയിൽ ഞായറാഴ്ച പ്രാർഥനയ്ക്ക് എത്തിയവർക്കൊപ്പം ചാണ്ടി ഉമ്മൻ എംഎൽഎ, ജോഷി ഫിലിപ്പ് അടക്കമുള്ളവരും സാക്ഷികളായി.
പുതുപ്പള്ളി സാധുവിന് ഇരണ്ടക്കെട്ട് ഭേദമായിട്ട് ഇപ്പോൾ ഒന്നര മാസമായി. രണ്ടുമാസത്തെ വിശ്രമം കഴിഞ്ഞ് ക്ഷീണം മാറിയശേഷം ഈ മാസം 24-ന് എഴുന്നള്ളത്തിന് കൊണ്ടുപോകും. പാപ്പാന്റെ സ്വദേശമായ നെടുംകുന്നത്തെ അമ്പലത്തിലും പോകുന്നുണ്ട്. തൃശ്ശൂർ മുതൽ പല സ്ഥലങ്ങളിലും ആനപ്രേമികളുടെ നേർച്ചകളുണ്ടെന്ന് ആന ഉടമ പാപ്പാലപ്പറമ്പിൽ പോത്തൻ വർഗീസ് പറഞ്ഞു.
Content Highlights: puthuppally sadhu elephant at puthuppally church
Published: 06 Oct 2025, 07:27 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented