തൃശ്ശൂര്‍: ചേറ്റുവയില്‍ വന്‍ മദ്യവേട്ട. വാഹനത്തില്‍ കടത്തിയ 3600 ലിറ്റര്‍ അനധികൃത വിദേശ മദ്യവുമായി യുവാക്കള്‍ പിടിയിലായി. മാഹിയില്‍ നിന്ന് കൊണ്ടുവന്ന മദ്യമാണ് പിടികൂടിയത്. ഓണക്കാലത്ത് എറണാകുളം, തിരുവനന്തപുരം ജില്ലകളിലായി ചില്ലറവില്‍പ്പന നടത്താന്‍ എത്തിച്ച മദ്യമാണ് പോലീസ് പിടികൂടയത്. 

To advertise here,

ഇന്ന് പുലര്‍ച്ചെയാണ് ദേശീയ പാതയില്‍ ചേറ്റുവയില്‍വെച്ച് മദ്യം പിടികൂടിയത്. പാല്‍ കൊണ്ടുവരുന്ന വാഹനത്തിനുള്ളിലാണ് മദ്യം കടത്തിയത്. 3600 കുപ്പികളിലായാണ് 3600 ലിറ്റര്‍ മദ്യം കടത്തിയത്. വിവിധ ബ്രാന്‍ഡുകളുടെ മദ്യം ഓണം വിപണിയെ ലക്ഷ്യം വെച്ചാണ് എത്തിച്ചത്.  

കൊല്ലം കല്ലുവാതുക്കല്‍ സ്വദേശി സജി, തിരുവനന്തപുരം കഴക്കൂട്ടം സ്വദേശി കൃഷ്ണപ്രകാശ് എന്നിവരെയാണ് അറസ്റ്റ് ചെയ്തത്. ഇവര്‍ക്ക് സാമ്പത്തിക സഹായം നല്‍കിയവരേക്കുറിച്ചും പോലീസ് അന്വേഷിക്കുന്നുണ്ട്. എറണാകുളം, തിരുവനന്തപുരം ജില്ലകളിലായി ചില്ലറവില്‍പ്പന നടത്തുന്നതിനായാണ് മദ്യം കൊണ്ടുവന്നതെന്നാണ് പോലീസിന് ലഭിച്ചിരിക്കുന്ന വിവരം. കൊടുങ്ങല്ലൂര്‍ ഡിവൈഎസ്പിയുടെ നേതൃത്വത്തിലാണ് അറസ്റ്റ്.