തിരുവനന്തപുരം: 'നെഹ്റുവിയന് സോഷ്യലിസത്തിന്റെ പുനരുജ്ജീവനവും മാര്ഗങ്ങളും' എന്ന വിഷയത്തില് പ്രതിപക്ഷ നേതാവ് വി.ഡി. സതീശന് കേംബ്രിജ് സര്വകലാശാലയില് പ്രഭാഷണം നടത്തും. കേംബ്രിജിലെ ആംഗ്ലിയ റസ്കിന് സര്വകലാശാലയില് സാമൂഹ്യനീതിയും രാഷ്ട്രീയ സമത്വവും എന്ന വിഷയത്തിലെ സംവാദത്തിലും പ്രതിപക്ഷ നേതാവ് പങ്കെടുക്കും.
യു.കെയിലെ ഇന്ത്യന് വര്ക്കേഴ്സ് യൂണിയന് കേംബ്രിജ് സ്റ്റുഡന്റസ് യൂണിയനുമായി സഹകരിച്ച് നടത്തുന്ന സംവാദ പരിപാടികളില് മുഖ്യാതിഥിയായാണ് പ്രതിപക്ഷ നേതാവ് പങ്കെടുക്കുന്നത്. നവംബര് 17-ന് കേംബ്രിജ് യൂണിവേഴ്സിറ്റി സൗത്ത് ഏഷ്യന് സ്റ്റുഡന്സ് ഹാളിലാണ് പ്രതിപക്ഷ നേതാവിന്റെ പ്രഭാഷണം.
നവംബര് 18-നാണ് കേംബ്രിജിലെ ആംഗ്ലിയ റസ്കിന് സര്വകലാശാലയിലെ സംവാദം. ആംഗ്ലിയ റസ്കിന് സര്വകലാശാല ലക്ചര് ഹാളില് നടക്കുന്ന സംവാദത്തില് യു.കെ പാര്ലമെന്റ് അംഗം ഡാനിയല് സെയ്ച്നര്, കേംബ്രിഡ്ജ്ഷെയര്-പീറ്റര്ബറോ ഡെപ്യൂട്ടി മേയര് അന്ന സ്മിത്ത് തുടങ്ങിയവര് പ്രഭാഷണം നടത്തും.
Content Highlights: Leader of Opposition VD Satheesan deliver lecture Cambridge University
Published: 12 Nov 2023, 02:41 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented