
കോട്ടയം: കളക്ടറേറ്റിലെ ജീവനക്കാരന് കോവിഡ് സ്ഥിരീകരിച്ചതിനെ തുടർന്ന് ക്വാറന്റൈനിൽ പോയ കോട്ടയം കളക്ടർ എം.അഞ്ജനയുടെ കോവിഡ് പരിശോധനാഫലം നെഗറ്റീവ്. കളക്ടർ ഉൾപ്പെടെ കോവിഡ് ബാധിച്ച ജീവനക്കാരനുമായി സമ്പർക്കത്തിൽ വന്ന 14 പേരുടെ പരിശോധനാഫലവും നെഗറ്റീവാണ്.
വ്യാഴാഴ്ചയാണ് കോട്ടയം കളക്ടറേറ്റിലെ ജീവനക്കാരന് കോവിഡ് പോസിറ്റീവായത്. ഇതേത്തുടർന്നാണ് കളക്ടർ അഞ്ജനയും എഡിഎം അനിൽ ഉമ്മനും ഉൾപ്പെടെയുള്ള ഉദ്യോഗസ്ഥർ ക്വാറന്റൈനിൽ പോയത്. ജീവനക്കാരൻ ഓഫീസിൽ വന്ന് പോയിട്ട് ഒരാഴ്ചയായ പശ്ചാത്തലത്തിൽ എല്ലാവരെയും ആന്റിജൻ ടെസ്റ്റിനാണ് വിധേയരാക്കിയത്. ക്വാറന്റൈനിൽ പോയെങ്കിലും കളക്ടർ വീഡിയോ കോൺഫറൻസ് വഴി ജില്ലയിലെ പ്രതിരോധ പ്രവർത്തനങ്ങൾ ഏകോപിപ്പിച്ചിരുന്നു.
അതേസമയം, കോട്ടയത്ത് ഇന്ന് 77 പേർക്ക് കൂടി കോവിഡ് സ്ഥിരീകരിച്ചിട്ടുണ്ട്. ഇതിൽ 67 പേർക്കും സമ്പർക്കത്തിലൂടെയാണ് രോഗം ബാധിച്ചത്. 46 പേർ രോഗമുക്തരായിട്ടുമുണ്ട്. നിലവിൽ 396 കോവിഡ് പോസിറ്റീവ് കേസുകളാണ് കോട്ടയം ജില്ലയിലുള്ളത്.
Published: 25 Jul 2020, 07:20 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented