തിരുവനന്തപുരം: കേരളത്തിൽ നിലനിൽക്കുന്ന അന്ധവിശ്വാസങ്ങളും മന്ത്രവാദവും തടയുന്നതിനായി പുതിയ നിയമനിർമാണ ശുപാർശയ്ക്ക് കരട് രേഖയായി. മന്ത്രവാദവും അന്ധവിശ്വാസവും ചൂഷണങ്ങളും അതിക്രമങ്ങളും തടയാനുള്ള ബില്ലിന്റെ കരട് വിദഗ്ധ സമിതി സർക്കാരിന് സമർപ്പിച്ചു. 

To advertise here,

'കേരള പ്രിവെൻഷൻ ഓഫ് ബ്ലാക്ക് മാജിക് ബിൽ 2026' എന്ന പേരിലാണ് ഈ നിയമനിർമ്മാണം. കേരള നിയമ പരിഷ്‌കരണ കമ്മീഷൻ വൈസ് ചെയർമാനും മുൻ നിയമ സെക്രട്ടറിയുമായ കെ. ശശിധരൻ നായർ, മുൻ സംസ്ഥാന പോലീസ് മേധാവി ജേക്കബ് പുന്നൂസ് എന്നിവരടങ്ങുന്ന സമിതിയാണ് ഭരണഘടനാപരവും നിയമപരവുമായ വശങ്ങൾ പരിശോധിച്ച് ഈ കരട് തയ്യാറാക്കിയത്.

ഇലന്തൂർ നരബലിയുടെ പശ്ചാത്തലത്തിൽ ഹൈക്കോടതി നിർദ്ദേശപ്രകാരം 2025 നവംബറിലാണ് സംസ്ഥാന സർക്കാർ ഈ വിദഗ്ധ സമിതിക്ക് രൂപം നൽകിയത്. മന്ത്രവാദത്തിന്റെ പേരിലുള്ള ചൂഷണങ്ങളും അതിക്രമങ്ങളും അവസാനിപ്പിക്കുക എന്നതാണ് ഈ നിയമത്തിന്റെ പ്രധാന ലക്ഷ്യം. ജനങ്ങളുടെ സുരക്ഷ ഉറപ്പാക്കുന്നതിനായി ഭരണഘടനാപരമായ ചട്ടക്കൂടുകൾക്കുള്ളിൽ നിന്നുകൊണ്ടാണ് ഈ നിയമം വിഭാവനം ചെയ്തിരിക്കുന്നത്.