കൊച്ചി: കോൺഗ്രസിന്റെ മുതിർന്ന നേതാവും കെപിസിസി മുൻ അധ്യക്ഷനുമായിരുന്ന കെ. സുധാകരൻ കൊച്ചിയിൽ വിളിച്ചുചേർത്ത ഗുണ്ടകളുടെ യോഗം സ്വകാര്യ പരിപാടിയെന്ന് സിറ്റി പോലീസ് കമ്മിഷണർ. ഇതുമായി ബന്ധപ്പെട്ട് ഇതുവരെ അന്വേഷണം നടത്തിയിട്ടില്ല. തൂഫാൻ പദ്ധതിയിൽ ഗുണ്ടകളുടെ സഹായം വേണ്ട. നിയമപരമായി മുന്നോട്ട് പോയി ലഹരി മാഫിയയെ പൂട്ടുമെന്ന് കൊച്ചി സിറ്റി പോലീസ് കമ്മിഷണർ കാളിരാജ് മഹേഷ് പറഞ്ഞു.

To advertise here,

ക്രിമിനൽ കേസുകളിൽ പ്രതിയായ ആളുകളുടെ നേതൃത്വത്തിൽ നേരത്തെ കൊച്ചിയിൽ നടന്ന യോഗത്തിൽ കെ. സുധാകരനും പങ്കെടുത്തിരുന്നു. ഇതിന്റെ ദൃശ്യങ്ങൾ സാമൂഹിക മാധ്യമങ്ങളിൽ വൈറലായി. തുടർന്ന് യോഗത്തിനെതിരേ വൻതോതിൽ വിമർശനവും ഉയർന്നു. യോഗം വിവാദമായതിന് പിന്നാലെ, ഇത് ഓപ്പറേഷൻ തൂഫാനുമായി ബന്ധപ്പെട്ട് ചേർന്ന യോഗമായിരുന്നെന്ന് കെ. സുധാകരൻ വിശദീകരിച്ചിരുന്നു.

എന്നാൽ ഇത്തരമൊരു യോഗത്തേക്കുറിച്ച് തങ്ങൾക്ക് അറിവുണ്ടായിരുന്നില്ലെന്ന് വ്യക്തമാക്കി ഡിസിസി നേതൃത്വം രംഗത്തെത്തിയിരുന്നു. ആഭ്യന്തരമന്ത്രി രമേശ് ചെന്നിത്തലയും ഇതിനെതിരേ പ്രതികരിച്ചിരുന്നു. ഓപ്പറേഷൻ തൂഫാനുമായി ബന്ധപ്പെട്ട യോഗം വിളിക്കാനുള്ള ചുമതല പോലീസ് ഉദ്യോഗസ്ഥർക്ക് മാത്രമാണെന്നും ചെന്നിത്തല പറഞ്ഞിരുന്നു.