തൃശ്ശൂര്: പാപ്പാന്മാര് കോവിഡ് നെഗറ്റീവ് ആണെന്ന സര്ട്ടിഫിക്കറ്റ് ഉണ്ടെങ്കില് മാത്രമേ ആനകളെ തൃശ്ശൂര് പൂരത്തില് പങ്കെടുക്കാന് അനുവദിക്കൂ എന്ന് വനംവകുപ്പ്. ആനകളുടെ ഫിറ്റ്നസും പരിശോധിക്കും. ആനകളെ പരിശോധിക്കാന് നാല്പത് അംഗ സംഘത്തെ നിയോഗിച്ചു.
ആനകളുടെ പാപ്പാന്മാര് കോവിഡ് പരിശോധനയ്ക്ക് വിധേയരാകുകയും രോഗബാധ ഇല്ലെന്ന സര്ട്ടിഫിക്കറ്റ് ഹാജരാക്കുകയും വേണം. കോവിഡ് നെഗറ്റീവ് സര്ട്ടിഫിക്കറ്റ് ഉള്ള പാപ്പാന്മാരുടെ ആനകളെ മാത്രമേ പൂരത്തില് പങ്കെടുക്കാന് അനുവദിക്കൂ എന്ന് വനംവകുപ്പ് വ്യക്തമാക്കുന്നു.
ഒരു ആനയ്ക്ക് ചുരുങ്ങിയത് മൂന്ന് പാപ്പാന്മാരെങ്കിലും ഉണ്ടാകും. മൂന്ന് പാപ്പാന്മാരും കോവിഡ് നെഗറ്റീവ് ആയിരിക്കണം. ആരെങ്കിലും ഒരാള് പോസിറ്റീവ് ആയാല് ആനയെ പൂരത്തില് പങ്കെടുപ്പിക്കാന് കഴിയില്ല. മാത്രമല്ല, ഒരാള് പോസിറ്റീവ് ആയാല് മറ്റു പാപ്പാന്മാര് ക്വാറന്റീനില് പോകുകയും വേണം.
തൊണ്ണൂറോളം ആനകളാണ് പൂരത്തില് പങ്കെടുക്കുന്നത്. ഈ ആനകള്ക്കെല്ലാം കൂടി മുന്നൂറിന് അടുത്ത് പാപ്പാന്മാരുണ്ടാകും. വനംവകുപ്പിന്റെ നിബന്ധനയനുസരിച്ച് ഇവരെല്ലാം കോവിഡ് നെഗറ്റീവ് സര്ട്ടിഫിക്കറ്റ് ഹാജരാക്കേണ്ടിവരും. പൂരത്തിന്റെ തലേന്ന് ആയിരിക്കും ഇക്കാര്യത്തില് പരിശോധന നടത്തുക. പൂരത്തില് പങ്കെടുക്കുന്ന ആനകളുടെ ആരോഗ്യനില പരിശോധിക്കുന്നതിന് നാല്പത് അംഗ സംഘത്തെയും നിയോഗിച്ചിട്ടുണ്ട്.
Content Highlights: Elephants, Thrissur pooram, mahouts covid positive
Published: 17 Apr 2021, 03:49 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented