കൊച്ചി: കളമശ്ശേരി സ്ഫോടനത്തില് മരണം അഞ്ചായി. സ്ഫോടനത്തില് ഗുരുതരമായി പൊള്ളലേറ്റു ചികിത്സയില് കഴിഞ്ഞിരുന്ന ഒരാള് കൂടി ശനിയാഴ്ച രാത്രിയോടെ മരണത്തിന് കീഴടങ്ങി. മലയാറ്റൂര് കടുവന്കുഴി വീട്ടില് പ്രദീപിന്റെ ഭാര്യ റീന (സാലി-45) ആണ് മരിച്ചത്.
ആസ്റ്റര് മെഡ്സിറ്റിയില് ചികിത്സയിലായിരുന്ന സാലി ശനിയാഴ്ച രാത്രിയാണ് മരിച്ചത്. മകള് 12 വയസ്സുകാരി ലിബ്ന ബോംബ് സ്ഫോടനം നടന്നതിന്റെ പിറ്റേന്ന് മരണമടഞ്ഞിരുന്നു. ചികിത്സയിലുള്ള മകന് പ്രവീണ് അപകടനില തരണംചെയ്തിട്ടില്ല. മറ്റൊരു മകന് രാഹുലിനും പൊള്ളലേറ്റിരുന്നെങ്കിലും ഗുരുതരമല്ല.
ഒക്ടോബര് 29-ന് രാവിലെ ഒന്പതരയോടെയാണ് യഹോവ സാക്ഷികളുടെ കണ്വന്ഷന് നടന്ന സാമ്ര ഇന്റര്നാഷണല് കണ്വെന്ഷന് സെന്ററിലെ ഹാളില് സ്ഫോടനമുണ്ടായത്. സ്ഫോടനം നടക്കവേ രണ്ടായിരത്തിലധികം പേര് ഹാളിലുണ്ടായിരുന്നു.
Content Highlights: Death toll rises to five in Kochi Kalamassery blast
Published: 11 Nov 2023, 11:05 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented