തിരുവനന്തപുരം: സംസ്ഥാനത്തെ 77 പൊതുമേഖല സ്ഥാപനങ്ങള് നഷ്ടത്തിലെന്ന് കംപ്ട്രോളർ ആന്റ് ഓഡിറ്റര് ജനറല് ഓഫ് ഇന്ത്യ(സി.എ.ജി.) റിപ്പോര്ട്ട്. 18,026.49 കോടി രൂപയാണ് ഇവയുടെ ആകെ നഷ്ടമെന്ന് റിപ്പോര്ട്ടില് പറയുന്നു. 2020 മുതല് 2023 മാര്ച്ച് വരെയുള്ള സി.എ.ജി. റിപ്പോര്ട്ടാണ് പുറത്ത് വന്നിരിക്കുന്നത്.
44 സ്ഥാപനങ്ങള് പൂര്ണമായി തകര്ന്നു. 18 പൊതുമേഖലാ സ്ഥാപനങ്ങള് 1986 മുതല് അടച്ചുപൂട്ടല് ഭീഷണിയിലാണെന്നും ഇവ അടച്ചുപൂട്ടാനുള്ള നടപടി ഊര്ജിതമാക്കണമെന്നും റിപ്പോര്ട്ടില് പറയുന്നു. കെ.എസ്.ആര്.ടി.സിയെ സംബന്ധിച്ച പരാമര്ശം ആശങ്കാജനകമാണ്. 2016-ന് ശേഷം കെ.എസ്.ആര്.ടി.സി. ഓഡിറ്റിന് രേഖകള് നല്കിയിട്ടില്ലെന്ന് സി.എ.ജി. റിപ്പോര്ട്ടില് പറയുന്നു.
കെ.എം.എം.എല്ലില് ക്രമക്കേട് നടന്നതായും സി.എ.ജി. കണ്ടെത്തി. അസംസ്കൃത വസ്തുക്കള് വാങ്ങുന്നതില് മാനദണ്ഡങ്ങള് പാലിച്ചില്ല. ടെന്ഡര് വിളിക്കാതെ വാങ്ങിയതില് നഷ്ടമുണ്ടായി. 23.17 കോടിയാണ് നഷ്ടമുണ്ടായത്. യോഗ്യതയില്ലാത്തവര്ക്ക് കരാര് നല്കുന്നു. പൊതു ടെന്ഡര് വിളിക്കണമെന്നും സി.എ.ജി. ശിപാര്ശ ചെയ്യുന്നു.
Content Highlights: CAG urges Kerala govt to shut down or divest loss-making public sector enterprises
Published: 25 Mar 2025, 05:18 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented